ԵՐԵՎԱՆ, 4 փետրվարի./Նովոստի–Արմենիա/. «Ուրալյան ավիաուղիներ» ավիաընկերությունը փետրվարից իրավունք ունի ՉԺՀ–ից չարթերային չվերթերով տեղափոխել բացառապես ՌԴ քաղաքացիների։ Այս մասին հաղորդում է
Ինտերֆաքսը` հղում անելով ավիափոխադրողի մամուլի ծառայությանը։
Ավելի վաղ, «Коммерсантъ»–ը գրել էր, որ փետրվարի 3–ին «Ուրալյան ավիաուղիներ»–ը հրաժարվել է չինական Շենսի նահանգում «Սիան Սինյան» օդանավակայանից Եկատերինբուրգ թռչող ինքնաթիռ թողնել ԱՊՀ մոտ 70 քաղաքացիների (այդ թվում, Հայաստանից, Բելառուսից, Ղազախստանից, Տաջիկստանից)։ Ընդ որում նշված անձինք ունեցել են չվերթի տոմս։ Օդանավի սրահ են թողել միայն տասնյակ ռուսաստանցիների։
«ՌԴ կառավարության կարգադրմամբ, 01.02.2020–ից ավիաընկերությունը դադարեցնում է ՉԺՀ մուտքային և ելքային կանոնավոր չվերթերը։ Այսօրվանից սկսած ավիաընկերությունը կատարում է միայն չարթերային չվերթեր։ Ստացված թույլտվության համաձայն, ավիաընկերությունն իրավունք ունի տեղափոխել բացառապես ՌԴ քաղաքացիների»,– նշում են «Ուրալյան ավիաուղիներ»–ից։
Ընդ որում, ավիաընկերությունից ընդգծել են, որ այլ երկրների քաղաքացիները կարող են դիմել աջակցման ծառայություն և վերադարձնել տոմսերի դիմաց վճարված գումարներն` առանց տուգանքի։
Այդ թվում ավիաընկերության հաղորդմամբ, ՉԺՀ–ի տարածքում գտնվող զբոսաշրջիկներին տարհանելու նպատակով, ավիաընկերությունը կկատարի մի շարք չարթերային չվերթեր։ –0–
