Տարոսը մեզ. Իտալիայում բժիշկներն ուրախությամբ լքում են հիվանդանոցը COVID-19-ով վերջին պացիենտի դուրս գրումից հետո (ՎԻԴԵՈ)

ԵՐԵՎԱՆ, 9 հունիսի./Նովոստի-Արմենիա/. Համացանցում տեսանյութ է տարածվել, թե ինչպես են Իտալիայի հիվանդանոցներից մեկում բժիշկները լքում բաժանմունքը՝ COVID-19-ով վերջին պացիենտին դուրս գրելուց հետո:

Տեսանյութը հրապարակվել է օգտատեր Նարեկ Մատինյանի Facebook-յան էջում:

Նշվում է, որ տեսանյութում Իտալիայի Մատերա քաղաքի հիվանդանոցներից մեկն է: Տեսանյութում բժիշկները ուրախությամբ լքում են հիվանդանոցի բաժանմունքը՝ բժշկական գլխարկները մի կողմ գցելով, իսկ վերջում փակում բաժանմունքի դուռը բոլորի բարձր ծափողջյունների ներքո:

«Իտալիայի Մատերա քաղաքի հիվանդանոցներից մեկում COVID-19-ով վերջին պացիենտին դուրս գրելուց հետո...»,- նշել է օգտատերը տեսանյութին կից: -0-