Մասնագետները նշել են ստամոքսի քաղցկեղի վաղ շրջանի ախտանիշները

ԵՐԵՎԱՆ, 7 դեկտեմբերի./Նովոստի-Արմենիա/. Վատ մարսողությունը, կուլ տալու դժվարությունը և քաշի կորուստը կարող են մարդու մոտ ստամոքսի քաղցկեղի զարգացման մասին վկայող առաջին հատկանիշները լինել: Այս մասին հաղորդվում է Cancer Research UK բրիտանական բարեգործական կազմակերպության կայքում, որը զբաղվում է քաղցկեղային հիվանդությունների և դրանց բուժման մեթոդների միջոցներով, հաղորդում է ՏԱՍՍ-ը:

Կազմակերպության տվյալներով, կուլ տալու հետ կապված դժվարությունները, քաշի ակտիվ կորուստը, ստամոքսի գործունեության դժվարությունները, որոնք երեք շաբաթ շարունակ չեն անցնում, ինչպես նաև արագ կշտանալու զգացումը առաջին հատկանիշներն են, որոնց հայտնվելու դեպքում մարդը պետք է դիմի բժշկի ստամոքսի քաղցկեղի զարգացումից խուսափելու համար: Մասնագետները նաև նշում են, որ վերոնշյալ ախտանիշները կարող են ուղղորդվել փորի շրջանում ցավերով, մարմնի թուլությամբ և արյունահոսությամբ:

Կազմակերպության խորհուրդների համաձայն՝ տվյալ ախտանիշների կարճատև առկայությունը չի նշանակում ստամոքսի քաղցկեղի զարգացում: Այնուամենայնվ, եթե ախտանիշները որոշ ժամանակ առկա են և չեն անցնում, ապա մարդը պետք է դիմի բժշկի: -0-