Մահացել է The Prodigy ռոք խմբի մեներգիչ Քիթ Ֆլինտը

ԵՐԵՎԱՆ, 4 մարտի. /Նովոստի-Արմենիա/. Մահացել է The Prodigy բրիտանական ռոք խմբի մեներգիչ Քիթ Ֆլինտը 49 տարեկան հասակում, հայտնում է ՏԱՍՍ–ը` հղում անելով The Sun թերթին։

Երաժիշտը կյանքից հեռացել է Անգլիայի հարավ–արևելքում գտնվող Էսեքս կոմսության իր տանը։ Ոստիկանությունն առայժմ չի հայտնում մահվան պատճառը, սակայն այս պահին հիմք չկա կարծելու, որ այն հանցավոր գործողությունների հետևանք է։

«Մահը չի դիտարկվում որպես կասկածներ հարուցող, և գործ կնախապատրաստվի»,– թերթը բեջբերում է շտապօգնության ծառայության ներկայացուցչին։ -0-