Խնդիր` վնասով աշխատող ռեստորանը դարձնել բարգավաճող. Արամ Մնացականովը կմրցի Ռամզիի հետ

ԵՐԵՎԱՆ, 30 հունվարի. /Նովոստի-Արմենիա/. «ՉԷ» հեռուստաընկերության հեռուստադիտողներին փետրվարի 15–ին նոր խոհարարական ռեալիթի շոու է սպասում հայտնի ռեստորատոր Արամ Մնացականովի հետ։ Մնացականովն արտերկրում և Ռուսաստանում ռեստորանների ցանց ունի, գրում է teleprogramma.pro–ն։

«Սուպեշեֆ» հաղորդումը կդառնա հայտնի բրիտանացի շեֆ խոհարար Գորդոն Ռամզիի «24 ժամ դեպի դժոխք և հետադարձ» հայտնի շոուի` աշխարհում առաջին ադապտացիան։

Եվ այսպես, Արամի խնդիրը վնասով աշխատող ռեստորանը բարագավաճող դարձնելն է։ Դրա համար նա կօգտագործի ցանկացած միջոցներ` կերակրացանկի փոփոխությունից մինչև ռեստորանի դիզայնի փոփոխություն ընդհուպ մինչև նոր ղեկավարության նշանակում։ Սուպերշեֆին կարելի է ամեն ինչ։ Ընդ որում, որքան ավելի վատ է դրությունը, այնքան ավելի կոշտ մեթոդներ կարող է կիրառել Արամը։


Մի անգամ Մնացականյանն արդեն հյուրասիրել է Ռուսաստանի նախագահ Վլադիմիր Պուտինին և հիմա պատրաստ է անցնել նոր մակարդակի։

«Վլադիմիր Վլադիմիրովիչն իսկապես եղել է մեր ռեստորանում, շատ վաղուց։ Ընթրել է ըստ կերակրացանկի, ոչ մի հատուկ ուտեստներ չենք պատրաստել։ Նա ասել է, որ քանի որ ռեստորանն ընտանեկան է, ապա կերակրատեսակների ընտրությունը վստահում է սեփականատիրոջը։ Ինքս եմ որոշել, թե ինչով նրան հյուրասիրել։ Պատրաստել ենք նրա համար պաստա, ռիզոտտո»,– Մնացականովի խոսքն է մեջբերում «ՉԷ» հեռուստաալիքի մամուլի ծառայությունը։

Արամն իր գլխավոր խնդիրն է համարում ոչ միայն ռեստորանների կերակրացանկը և դիզայնը փոխելը, այլ նաև ռեստորանների սեփականատերերի մտածողությունը փոխելը։ Նրա կարծիքով, ռեստորանը սկսում է վնասով աշխատել այն ժամանակ, երբ տերերի համար աշխատանքը վերածվում է ամենօրյա միապաղաղության։ -0-