ԵՐԵՎԱՆ, 25 փետրվարի. /Նովոստի–Արմենիա/. «Ինտեր» հեռուստաալիքի զբոսաշրջային հայտնի «Արծիվ և գիր. Գնումներ» ծրագիրը եկել էր Երևան։
Նախորդ չորս սեզոնների ընթացքում նախագիծը հասցրել է լինել 81 քաղաքում։ Հայաստանի մայրաքաղաքն առաջին կետն է, ուր ծրագրի հաղորդավարները ժամանել են նոր, հինգերորդ սեզոնում։
«Այստեղ ձեզ չեն զարմացնելու ճարտարապետությամբ կամ քաղաքային ժամանցային վայրերով։ Այստեղ կարևորը կովկասյան ուժն ու ազատությունն է։ Սա խիստ տղամարդկանց և գեղեցիկ կանանց քաղաք է»,– ասվում է 2016 թվականի փետրվարի 21–ին
եթեր հեռարձակված հաղորդման անոնսում։
Երևանում հաղորդավարները ծանոթացել են հայ հնագույն մշակույթի հետ, փորձել խաչքար փորագրել, մաքուր ոսկուց պատրաստած նկարներ են նայել, հայկական նորաձևության նմուշներ փորձել և գնել են Հայաստանի հոգին մեղեդիի մեջ պարուրող դուդուկը։
Յուրաքանչյուր կիրակի նախագծի հաղորդավարները նոր քաղաք են մեկնում գնումների։ Ինչ–որ մեկին բաժին է հասնում անսահմանափակ հնարավորություններով քարտ, մյուսին` ընդամենը 100 դոլար։ Թե ով է պտտվելու տոնավաճառներով և զեղչված ապրանքի շուկաներով, իսկ ով` նորաձև բուտիկներով, ինչպես միշտ որոշում են արծիվը կամ գիրը։
«Արծիվ և գիր. Գնումներ» թիմի երթուղին կանցնի Եվրոպայի, Աֆրիկայի, Ասիայի, Հյուսիսային և Հարավային Ամերիկաների հայտնի քաղաքներով։
-0-
