Հետտոնական համախտանիշ. երբ աշխատանքը բանտախցից տանջալի է

ԵՐԵՎԱՆ, 8 հունվարի. /Նովոստի–Արմենիա/. Անցան հերթական տոները, խումհարի սինդրոմը մնաց անցյալում, հեռացան վերջին հյուրերը, և յուրաքանչյուր աշխատող մարդ կրկին հայտնվեց աշխատանքային առօրյային վերադառնալու անհրաժեշտության առջև։

Հետտոնական սթրեսի զոհեր

Մի անհանգստացեք, եթե տոներից հետո աշխատանքի վերադառնալու ցանկություն չունեք։ Ձեր օրգանիզմը նորմալ կարձագանքի սովորական ռիթմի փոփոխությանը և բնականոն հուն վերադառնալու ձեր փորձին։

Ձեզ դժվար կլինի արթնանալ սովորական դարձած ժամին, նախաճաշելու ցանկություն չի լինի և, հավանաբար, գրասենյակում անցկացված առաջին մի քանի ժամերը կանցնեն մի փոքր նյարդային մթնոլորտում։ Տեխնիկան չի միանա, ռեֆլեքսներն ու հմտությունները մի փոքր մոռացված կլինեն, իսկ ամենօրյա միապաղաղ ու սովորական գործընթացը պարզապես անտանելի կթվա...

Դրական տրամադրվեք։ Հիշեք, որ աշխատանքից ազատումների ամենամեծ թիվը գրանցվում է հենց հետտոնական օրերին։ Այնպես որ, տաք գլխով մի գործեք, ինքներդ ձեզ առնվազն մի շաբաթ տվեք բնականոն հուն վերադառնալու համար, և կհամոզվեք, որ ձեր պարտավորություններտ պակաս անտանելի կթվան արդեն հաջորդ երկուշաբթի։

Ի՞նչ անել և ո՞վ է մեղավոր

Նախևառաջ, եկեք հասկանանք, որ ոչ ոք մեղավոր չէ։ Տոները գալիս են և գնում, իսկ աշխատանքը ձեր կյանքում կանոնավոր բնույթ է կրում։ Հիշենք այն մասին, որ այն դեղամիջոց է հիվանդությունների և բացասական մտքերի դեմ։

Եվ այսպես, սկսենք։ Սկսենք ամենապարզ և ճիշտ հուն ուղղող միջոցներից։ Առաջնահերթ գործերի ցուցակ սահմանեք, և եթե ոչ մի շտապ գործ չկա, մաքրեք հին ֆայլերը, կարգի բերեք համակարգչում կուտակված նյութերը, աշխատանքային սեղանը և դասակարգեք կուտակված նամակները։

Ինքներդ էլ չեք նկատի, թե ինչպես աստիճանաբար կընկղմվեք աշխատանքային գործընթացի մեջ, և աշխատանքային տարվա հեռանկարը սարսաթելի չի թվա։ Գլխավորը, մի արեք կտրուկ շարժումներ և մի գերբեռնվեք աշխատանքային առաջին իսկ օրը, քանի որ դա կարող է բարդացնել հարմարվելու ընթացքը։ Որոշ դեպքերում օրգանիզմն ի նշան բողոքի կարող է ձեզ դեմարշ հայտարարել` հաճախ են դեպքերը, երբ տոներից անմիջապես հետո մարդիկ հիվանդանում են և խնդրում իրենց բաց թողնել աշխատանքից մինչև կազդուրվելը։ -0-

Իրինա Մանասյան