Facebook-ը հայտնել է, թե երբ վերջնականապես կանհետանա կայքի դասական տարբերակը
21.08.2020,
16:45
Շուտով կգործի Facebook-ի միայն նոր տարբերակը․ հին դիզայնն այևս հասանելի չի լինի
ԵՐԵՎԱՆ, 21 օգոստոսի․ /Նովոստի-Արմենիա/․ Facebook-ի հին, արդեն դասական դարձած վեբ-ինտերֆեյսը սեպտեմբերից անհետանալու է, փոխանցում է IXBT.com-ը:
Ավելի վաղ արդեն Facebook-ը հնարավորություն էր տվել օգտատերերին միանալ նոր ինտերֆեյսին՝ պահպանելով նաև հնին վերադառնալու հնարավորությունը:
Загружается новость ... "Лево"
«Մենք բարեփոխումներ ենք մտցրել նոր Facebook-ում և ուրախ ենք, որ բոլորը կարող են փորձել նոր դիզայնը: Մինչ ավանդական Facebook-ն անհասանելի կդարձնենք սեպտեմբերին, հույս ունենք, որ հնարավորություն կտաք մեզ իմանալ՝ ինչպես ավելի լավը դարձնել այն»,- հայտարարել են ընկերությունից:
Նշվում է, որ ինտերֆեյսի առանցքային և նոր գործառույթներից են դիզայնի թեթևությունը, ավելի մեծ տեքստը, արագ բեռնվելը և «մութ» ռեժիմը:
Facebook-ի նոր ինտերֆեյսը ներկայացվել է 2019-ին: Այն որոշ լուծումներով նման է Facebook-ի բջջային հավելվածին: Փոփոխվել է նաև ընկերության տարբերանշանը:-0-
Պատճենել հղումը
