ԵՐԵՎԱՆ, 13 հունիսի./Նովոստի–Արմենիա/. Բրեդ Փիթը և Ջենիֆեր Էնիսթոնն առաջին անգամ հանգստյան օրերն անցկացրել են իտալական վիլլայում։ Այս վերամիավորմանը սպասում էին բոլորը, գրում է
«Կոմսոմոլսկայա պրավդա» թերթը։
Կարծես, անհնարինն իսկապես հնարավոր է։ Փիթն ու Էնիսթոնը վերադարձել են Հռոմից նրանից հետո, երբ նրանց ընկերներ Ջորջ Քլունին և նրա կին Ամալ Քլունին զույգի համար ռոմանտիկ հանգստյան օրեր են կազմակերպել։
Քլունին երբեք չի եղել Բրեդի նախկին կնոջ` Անջելինա Ջոլիի երկրպագու։ Այժմ նա կանի հնարավորինը` ընկերոջ անձնական կյանքը դասավորելու համար։ Իմանալով Փիթի` Էնիսթոնին վերադարձնելու ցանկությունը, Քլունին նրանց համար մասնավոր վիլլա է վարձակալել Հռոմում։ Փորձելով զերծ պահել ընկերներին օտար աչքերից` նա առանձնատունը վարձակալել է իր ծնողների անունով, գրում է New Idea–ն։
Իրազեկ աղբյուրի տվյալներով, Քլունիի և Ալամուդինի փորձերը հաջողությամբ են պսակվել։ Փիթը միացել է Էնիսթոնի հետ։ Նրանք հիանալի հանգիստ են անցկացրել` հիշելով այն ժամանակները, երբ երջանիկ են եղել միասին։ «Սրանք հրաշալի երկու օրեր էին։ Երկուսն էլ հիացած էին։ Իսկ Բրեդը երբեք այսքան երջանիկ տեսք չուներ»,– պատմել է ինսայդերը։
Բրեթ Փիթն ու Ջենիֆեր Էնիսթոնն ամուսնացած են եղել 2000-2005 թվականները։ Դրանից հետո Փիթն ամուսնացել է Անջելինա Ջոլիի հետ, իսկ Էնիսթոնը սկսել է հանդիպել դերասան Ջասթին Տերուի հետ։ -0-