Բժիշկը թողել է աշխատանքը՝ հիվանդների վերջին ցանկությունը կատարելու համար (ՖՈՏՈ)

ԵՐԵՎԱՆ, 10 փետրվարի./Նովոստի-Արմենիա/. 60-ամյա Քիս Վելդբոյերն, ազգությամբ Նիդեռլանդներից, արդեն մի քանի տարի է, ինչ զբաղվում է մահացու հիվանդների վերջին ցանկությունները կատարելով: Այսպես նա կատարել է շուրջ 14 հազ. մարդկանց ցանկությունները, հաղորդում է life.ru-ն: 

Վելդբոյերի մոտ այս գաղափարն առաջացել է, երբ վերջինս բժիշկ էր աշխատում: Մեկ անգամ մահացու հիվանդի ցանկությունը կատարելուց և նրա աչքերում ուրախության մի յուրատեսակ փայլ տեսնելուց հետո, Վելդբոյերը հասկացել է, թե ինչով է ցանկանում զբաղվել ողջ կյանքի ընթացքում:

Մեկ տարի անց նա իր կնոջ հետ հիմնել է բարեգործական հիմնադրամ, որի գործունեության շրջանակում նախկին բժիշկն այցելել է թանգարանային ցուցադրություններ, ֆուտբոլային հանդիպումներ և անգամ Շվեյցարիայի սարերը մագլցել մեկ նպատակով. կատարելու ավելի քան 14 հազ. մահացող մարդկանց վերջին ցանկությունները: 

Նա հիշում է, որ ամենազարմանալի ցանկություններից մեկը հիվանդանոցում ամիսներ գտնվող մի կին էր հայտնել, ով մեկ բան էր երազում. վերջին անգամ տեսնել իր տունը: 

Süpermiş...

Hollanda'da Kees Veldboer isimli bir ambulans şoförü ölümcül hastalığa yakalananların son dileklerini yerine getiriyormuş: pic.twitter.com/pU6iA765Mz

— Selcuk Eren (@selcukerennn) February 4, 2020

«Մենք տարանք նրան այնտեղ, և նա պարզապես մեկ ժամ շարունակ կանգնած էր: Երկու օր անց նա մահացավ: Սա մի հիասքանչ ցանկություն էր, այնքան պարզ, բայց իր համար այնքան նշանակալի»,- ասել է Վելդբոյերը: 

Նրա խոսքով, ամենատարածված ցանկություններից մեկը վերջին անգամ արվեստի ամենասիրված ստեղծագործությունը տեսնելն է: -0-