ԵՐԵՎԱՆ, 1 ապրիլի./Նովոստի-Արմենիա/. Իտալացի համաճարակաբանների ասոցիացիան եկել է եզրահանգման, որ երկրի տարեց բնակչության շրջանում բարձր մահացության մակարդակը պայմանավորված է նրանով, որ անոմալ տաք ձմռան հետևանքով մարդիկ սովորականից ավելի թեթև են տարել գրիպի համաճարակը նոյեմբեր-հունվար ամիսներին: Այս մասին հաղորդում է ՌԲԿ-ն՝ հղում անելով Bloomberg գործակալության կողմից կատարած իտալական վիճակագրական տվյալների վերլուծությանը:
Загружается новость ... "Лево"
Երկրի խոշորագույն քաղաքներում անցկացված մոնիտորինգի հիման վրա բժիշկները եկել են եզրահանգման, որ գրիպից մահացությունը միջին ցուցանիշ ունի՝ տարեկան մոտավորապես 8 հազ. մարդ: 2016-2017թթ.-ի ձմռանը ցուցանիշը սովորականից բարձր է եղել, իսկ այս տարի, ընդհակառակը՝ ցածր: Ինչպես հաշվել են մասնագետները, նոյեմբերի-հունվար ամիսներին երկրի հյուսիսային շրջաններում գրիպից մահացությունը եղել է միջինից 6 տոկոսով ցածր, իսկ կենտրոնական և հարավային շրջաններում՝ 3 տոկոսով ցածր:
Սրանով պայմանավորված տարեց անձինք, ովքեր ռիսկային խմբում են գտնվում, ձմռանը տեղափոխվել են ռիսկային խմբի մեջ, երբ փետրվար-մարտին հայտնվել է կորոնավիրուսը: Նրանց մահը նշանակալի աճ է գրանցել մահացության ընդհանուր վիճակագրության մեջ:
Համաճարակաբանների ասոցիացիայից նշում են, որ Իտալիայում մահացած տարեց մարդկանց ընդհանուր թիվը կորոնավիրուսի բռնկման հետևանքով գերազանցել է վերջին 2 տարվա ընթացքում գրիպի հետևանքով գրանցված մահվան ելքերի թվին, այնուամենայնիվ, ցուցանիշը չի գերազանցում 3 տարվա վաղեմության մահացության մակարդակի ցուցանիշը:
Ըստ վերջին վիճակագրության, Իտալիայում կորոնավիրուսի հետևանքով 60+ տարիքային խմբում մահացությունը կազմում է 5-25 տոկոս: Մահացությունը մնացած բոլոր տարիքային խմբերում նվազագույն մակարդակի է:
Իտալիայում, վերջին տվյալներով, կորոնավիրուսի հետևանքով մահացել է 12 428 մարդ, վարակվել՝ 105,7 հազ. մարդ, իսկ առողջացել են՝ 15 729-ը: -0-
