Արտառոց դեպք բժշկության մեջ. ամերիկուհու մեզը վերածվում է ալկոհոլի

ԵՐԵՎԱՆ, 26 փետրվարի./Նովոստի-Արմենիա/. ԱՄՆ-ի բնակչուհին ունի բացառիկ առանձնահատկություն: Նրա միզապարկն ունի «խմորելու» հատկություն, ինչի հետևանքով ամերիկուհու մեզը վերածվում է ալկոհոլի, հաղորդում է korrespondent.net-ը:

 Բժիշկները բացատրել են, որ այս արտառոց երևույթի մեղավորը՝ Candida glabrata սունկն է, որը հիշեցնում է Saccharomyces cerevisiae, որը հատնի է որպես հացաթխման խմորասունկ, որն օգտագործվում է հացաթխման մեջ:

 «Մենք բախվել ենք ունիկալ իրավիճակի, երբ էթիլային սպիրտ արտադրող խմորիչը բնակություն է հաստատել հիվանդի միզապարկում և հանգեցրել լյարդի ալկոհոլային ցիռոզի»,- նշել են բժիշկները:

 61-ամյա կնոջը նշանակվել է հակասնկային բուժում: Բայց, ինչպես նշում են բժիշկները, այս տեսակ բուժումը ցանկալի արդյունք չի բերել: Չի բացառվում, որ դա կապ ունի ամերիկուհու վատ վերահսկվող շաքարախտի հետ: -0-