ԵՐԵՎԱՆ, 22 հուլիսի./Նովոստի-Արմենիա/. ՀՀ առողջապահության նախարար Արսեն Թորոսյանի ծնողները վարակվել են կորոնավիրուսով, այս մասին հայտնում է ArmLur.am-ը:
Загружается новость ... "Лево"
«Ըստ մեր տեղեկությունների` վերջիններս գտնվում են Երևանի «Սուրբ Գրիգոր Լուսավորիչ» հիվանդանոցում: Մեր աղբյուրները փոխանցում են, որ նախարարի ծնողների առողջական վիճակը լավ է»,- նշվում է կայքում:
ՀՀ առողջապահության նախարարի մամուլի խոսնակ Ալինա Նիկողոյանը ArmLur.am-ի հարցին, թե արդյոք նախարարը շփումներ ունեցել է ծնողների հետ, թե ոչ, խոսնակը հայտնել է, որ նախարարի անձնական կյանքի վերաբերյալ հարցերը չի մեկնաբանում:
Հայաստանում հուլիսի 22-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 35693 դեպք, որոնցից 24766-ն` առողջացած, 678-ը` մահվան ելքով:-0-