Ադրբեջանական դասագրքերում տպվել է ծովից ծով Հայաստանի քարտեզը (ՖՈՏՈ)

ԵՐԵՎԱՆ, 10 հոկտեմբերի. /Նովոստի–Արմենիա/. Ադրբեջանում պատմության 10–րդ դասարանի դասագրքերում տպել են ծովից ծով Հայաստանի քարտեզը, հայտնում է Лента.ру–ն։

«Ռուսական սեկտորի 10–րդ դասարանի դասագրքում տպված է քարտեզ, որում պատկերված է ծովից ծով Հայաստանը։ Քարտեզի վրա պատկերված հայոց պետությունն ընդգրկում է ներկայիս Ադրբեջանի, Իրանի, Վրաստանի և Թուրքիայի տարածքները»,– նշվում է հրապարակման մեջ։



Դասագիրքը գրել են ինը հեղինակներ և տպել Բաքվում այս տարի 7 հազար տպաքանակով։

Ադրբեջանի կրթության նախարարությունում հայտնել են, որ քարտեզը հայտնվել է գրքում տեխնիկական սխալի պատճառով։

«Բացահայտված սխալը վերացվել է։ Նոր գրքերն արդեն բաժանվել են դպրոցների գրադարաններին։ Դպրոցականներին կտրամադրվեն «Ընդհանուր պատմություն» դասագրքի նորացված տարբերակը»,– նշվում է գերատեսչությունում։


Ինչպես ավելի վաղ հայտնել էր Արցախի Օմբուդսմեն Ռուբեն Մելիքյանը, հայատյացության ադրբեջանական քաղաքականության հետևանքները գնալով ավելի վտանգավոր են դառնում։ Ըստ նրա, հայատյացությունն ադրբեջանցիների մոտ ցեղասխանության շարժառիթ է առաջացնում։

Ծովից ծով Հայաստանն ավելի քան 600 տարի առաջ` մ.թ.ա 190 թվականից մինչև մեր թվարկության 428 թվականը, Հայկական լեռնաշխարհում գտնվող հայկական հնագույն պետությունն էր։ Տիգրան Բ Մեծի թագավորման տարիներին Հայաստանի սահմաններն անցնում էին Քուռ գետից մինչև Հորդանան և Միջերկրական ծովից մինչև Կասպից ծով։ -0-