ԵՐԵՎԱՆ, 5 հուլիսի. /Նովոստի–Արմենիա/. Սիրային հարցերում ամեն ինչ այդքան էլ միանշանակ չէ։ Գիտնականները հետաքրքիր ուսումնասիրություն են կատարել, որն օգնում է սովորական թվացող երևույթներին այլ կերպ նայել։ Թե ինչու են խելացի մարդիկ ավելի դժվար կարողանում գտնել իրեց սերը, ներկայացնում է
iheartintelligence.com կայքը։
1. Նրանք վերլուծում են և սեփական, և դիմացինի զգացմունքները
Խելացի մարդիկ փայլուն կերպով կարողանում են տեղեկություն հավաքել և հետևություններ անել։ Եվ այս ընդունակությունը միշտ չէ, որ նրանց օգտին է` նրանք ավելի հակված են «փախչել» հարաբերություններից խնդիրների առաջին իսկ նշմարվելուն պես։ Չենք հասկանու՞մ իրար, վիճու՞մ ենք։ Ուրեմն միմյանց համար չենք, ցտեսություն։
Загружается новость ... "Лево"
2. Նրանց երկար ժամանակ է պետք բացվելու համար
Ուղեղը երբեք չի դադարում աշխատելուց` վերհանելով զանազան մանրամասներ և պատճառներ, թե ինչու ամեն ինչ սխալ ընթացք ստացավ։ Որպես արդյունք` խելացի մարդիկ դժվարությամբ են բացվում ուրիշին` նրանք գիտեն և հասկանում են, որ ցանկացած հարաբերություններ ռիսկ են պարունակում։ Հենց այդ պատճառով էլ նրանք հաճախ անհաղորդ և սառը տեսք ունեն, թեև իրականում այդպես չէ։
3. Նրանք հենվում են անցյալում ունեցած փորձին
Եվս մեկ ծուղակ խելացի մարդկանց համար։ Այն, ինչ քայքայել է նրանց նախորդ հարաբներությունները, պարտադիր չէ, որ քայքայի ներկա հարաբերությունները, բայց նրանք դժվար են դա գիտակցում։ Նրանք լավ են հիշում, թե որքան ցավոտ էր բաժանվել նախորդ անգամ, և այդ փորձը տեղափոխում են այն մարդկանց վրա, ում հետ մտերիմ են ներկայում։
4. Միայնակ մնալը նրանց գիտակցված ընտրությունն է
Այո, դա այդպես է։ Խելացի մարդիկ գիտակցում են, որ իրենց ավելի լավ և հարմար է մենակ լինել, քան ոչ իրեն համահունչ մարդու հետ։ Դա նրանց գիտակցված և մտածված որոշումն է։ Մեծամասնությամբ այդպիսի մարդիկ միայնակ են ոչ թե հանգամանքների բերումով, այլ այն պատճառով, որ իրենք են այդպես ուզում և հիանալի են իրենց զգում այդ կարգավիճակում։ -0-
