ԵՐԵՎԱՆ, 10 փետրվարի./Նովոստի-Արմենիա/. ՀՀ ժողովրդական արտիստ, կոմպոզիտոր, երգահան Արթուր Գրիգորյանի դուստրը՝ հաղորդավարուհի Մանե Գրիգորյանը, հոր մահվանից միայն օրեր անց լուսանկար է հրապարակել նրա հետ և այն վերնագրել «Պապաս․․․»։
Կոմպոզիտորի դուստրը նաև հրապարակել է հոր և դստեր՝ Կայայի տեսանյութը, որտեղ հայրը նվագում է աղջկա համար: Մանե Գրիգորյանը մեջբերել է Ավետ Բարսեղյանի խոսքը Գրիգորիչի մասին:
«Ու նոտաները որբացան, երբ նրանց հյուսող ձեռքերը հեռացան ստեղնաշարից…»,-գրել է Մանեն։
Արթուր Գրիգորյանի մահվանից հետո Մանեն ու երգահանի հարազատները շատ ծանր հոգեվիճակում էին։ Չնայած երգահանի մոտ վերջին ամիսներին առողջական ծանր խնդիր էր ի հայտ եկել, այնուամենայնիվ նրա կորստին որևէ մեկը պատրաստ չէր։
Հիշեցնենք, որ ՀՀ ժողովրդական արտիստ, կոմպոզիտոր, երգահան Արթուր Գրիգորյանը երկարատև հիվանդությունից հետո մահացել է փետրվարի 4-ին հիվանդանոցում:-0-