Ինչ հագնել Ամանորի գիշերը հաջողակ տարի ունենալու համար

ԵՐԵՎԱՆ, 31 դեկտեմբերի./Նովոստի–Արմենիա/. Խանութներն արդեն լի են ամանորյա խաղալիքներով և զարդարանքներով, մոտենում է գնումներ կատարելու ժամանակը: Այդ գնումների շարքում է նաև ամանորյա հագուստի ընտրությունը: Գեղեցիկ սեռի համար ամենահուզիչ հարցն է` «Ի՞նչ հագնել Ամանորի գիշերը»

Նոր տարվա առաջին օրերից լավ կլինի սիրաշահել Առնետին: Քանի որ տարվա «տիրուհին» սպիտակ հանդերձանքով է, ցանկալի է հագնել բաց երանգի հագուստ: Սպիտակ, բեժ, բաց մոխրագույն ու նման գույները ամենահարմարը կլինեն 2020 թվականը դիմավորելու համար, գրում է takprosto կայքը:

Ինչպես նշում է ոլորտի մասնագետ Էլեոնա Գինսբուրգը, ողջունելի են քարերով, արծաթագույն կամ ոսկԵգույն թելերով զարդանախշերը: Բացառվում են «կատվային նախշերը»:


Խորհուրդ չի տրվում հագնել վառ գույների հագուստ` կարմիր, նարնջագույն, դեղին, քանի որ կրակն ու մետաղը «ընկերություն չեն անում»: Անկախ նրանից, թե ինչ գույնի հագուստ կկրեք, ցանկալի է համադրել որևէ մետաղական զարդի հետ`ականջօղեր, վզնոց, գոտի և այլն:

Ի՞նչ տարբերություն, թե ինչ հագնել Ամանորին. շատ մեծ: Բանն այն է, որ հագուստի որոշակի գույներ կարող են եկող տարում դեպի իրենց ձգել այն, ինչի մասին երազում եք: Ցանկանում եք ֆինանսական հաջողությունների հասնել` ընտրեք սպիտակ հագուստ, եթե կարևոր է սերը, ապա` բաց մոխրագույն: Իսկ եթե դուք նախընտրում եք փոքրիկ սև զգեստ, ապա մետաղական զարդեր ավելացրեք ձեր կերպարին:

Բայց ամենակարևորն այն է, որ դուք ուրախ դիմավորեք Գալիք` 2020 թվականը:–0–