Գյումրին Չինաստանին 1 մլն 480 հազ. դրամի օգնություն կուղարկի

ԵՐԵՎԱՆ, 12 փետրվարի. /Նովոստի-Արմենիա/. Չինական Սիանի քաղաքապետարանը Գյումրիից խնդրել է որպես մարդասիրական օգնություն տրամադրել բժշկական պարագաներ, գրում է «Հայկական ժամանակ» օրաթերթը:

Ըստ հրատարակչության, ընտրությունը եղել է Գյումրին, քանի որ 2015 թվականին կնքված հուշագրով Սիանն ու Գյումրին դարձել են քույր քաղաքներ:

«1988-ին ամբողջ աշխարհը մեզ օգնության ձեռք մեկնեց, հիմա մարդիկ իրենք են դիմել մեզ օգնության խնդրանքով: Հիմա պարագները փաթեթավորվում են, հետո կտեղափոխվի փոստային փոստային բաժանմունք, կուղարկվի Չինաստան»,- ասել է Գյումրու քաղաքապետ Սամվել Բալասանյանը:

1 մլն 480 հազար դրամի շրջանակներում Գյումրու քաղաքապետարանը ձեռք է բերել բժշկական պարագաներ՝ 1000 հատ մեկանգամյա օգտագործման խալաթ, 14.230 հատ դիմակ, 20.000 բախիլ և 10.000 հատ ձեռնոց: Գումարը ներառում է նաեւ փոստային ծառայության համար պահանջվող վճարումները:

Փետրվարի 12-ի դրությամբ կորոնավիրուսից մահացածների թիվը գերազանցել է 1110-ը, մինչդեռ մայրցամաքային Չինաստանում օրական նոր վարակների ընդհանուր թիվը 2015-ն է՝ հունվարի 30-ից ի վեր սա ամենացածր ցուցանիշն է: Ընդհանուր առմամբ, հիվանդությունից բուժվել է 4,740 հիվանդ:

Առողջապահության համաշխարհային կազմակերպության տվյալներով ՝ կորոնավիրուսով վարակվել է ավելի քան 40,5 հազ. մարդ:-0-