Չինաստանի Ուհան քաղաքում գտնվող ՀՀ քաղաքացին տարհանվել է Ղազախստան. ԱԳՆ
02.02.2020,
14:08
Կորոնավիրուսի էպիկենտրոն համարվող` Չինաստանի Ուհան քաղաքում գտնվող ՀՀ քաղաքացին տարհանվել է Ղազախստան
ԵՐԵՎԱՆ, 2 փետրվարի./Նովոստի–Արմենիա/. Փետրվարի 2-ին Ղազախստանի մեր գործընկերների հետ համագործակցության արդյունքում Չինաստանի Ուհան քաղաքում գտնվող և տարհանման ցանկություն հայտնած ՀՀ քաղաքացի Սուսաննա Աղաջանյանը տարհանվել է և տեղափոխվել Ղազախստան:
Այս մասին հայտնում է ՀՀ ԱԳՆ մամուլի քարտուղար Աննա Նաղդալյանը։
«ՀՀ դեսպանությունը մշտական կապի մեջ է մեր քաղաքացու հետ և քայլեր են ձեռնարկվում վերջինիս հնարավորինս շուտ Հայրենիք վերադարձնելու ուղղությամբ:Մեր խորին շնորհակալությունն ենք հայտնում Ղազախստանի մեր գործընկերներին՝ Հայաստանի խնդրանքին արագ արձագանքելու և ցուցաբերած աջակցության համար», – նշել է Նաղդալյանը Facebook–յան իր էջում։–0–
Պատճենել հղումը
