ԵՐԵՎԱՆ, 17 մայիսի./Նովոստի–Արմենիա/. Ամերիկահայ հեռուստաաստղ Քիմ Քարդաշյանը զարդարել է Sports Illustrated Swimsuit հեղինակավոր ամսագրի շապիկը։
Քիմը շքեղ լուսանկարները հրապարակել է Facebook–յան իր էջում։
«Մենք սա նկարահանել ենք դեռևս հունվարին, և այնքան դժվար էր գաղտնի պահել այս շապիկը», – գրել է Քարդաշյանը։
Նա նշել է, որ տեղանքի համար նրանք վերադարձել են իր` աշխարհում ամենասիրելի վայրերից մեկը` Դոմինիկյան Հանրապետություն։
«Մեծ պատիվ և երազանք է հայտնվել Sports Illustrated Swimsuit Edition–ի շապիկին», – նշել է Քիմը։
Համաշխարհային լրատվամիջոցների հաղորդմամբ, ամերիկյան շոու բիզնեսում ընդհանուր առմամբ ընդունված է, որ Sports Illustrated Swimsuit-ի շապիկին հայտնվելը որոշիչ պահ է սուպերմոդելի կարգավիճակ ստանալու համար։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
