Սպիտակցի Հայկոյի «Մի գնա» հիթը «պայթեցրել է» Դուբայի պարահրապարակներից մեկը (ՎԻԴԵՈ)

ԵՐԵՎԱՆ, 21 փետրվարի. /Նովոստի Արմենիա/. Սպիտակցի Հայկոյի «Մի գնա» երգը լիբիացի երգիչ Չադի Բասարի կատարմամբ ֆուրոր է առաջացրել Դուբայում:

«Վերջին գիշերը Դուբայում: Հայկական երգ: Մի գնա», - գրել է նա Instagram-ում` հրապարակելով տեսանյութ։

Հայկ Ղևոնդյանի (Սպիտակցի Հայկոյի) ու ռեփեր Super Saqo-ի «Մի գնա» երգը տարածված է աշխարհի շատ երկրներում: Այդ երգը շատ են լսում, մասնավորապես, Թուրքիայում, Իսրայելում, Ֆրանսիայում: Ֆրանսիացի Maître Gims (Մետր Գիմս)  ռեփերը պատրաստել է այս երգի ռեմիքսը:-0-