Մոսկվայի հայտնի «Արագվի» ռեստորանը փակվել է երկու հայ գործարարների վեճի պատճառով

ԵՐԵՎԱՆ, 15 մարտի. /Նովոստի-Արմենիա/. Մոսկվայի Տվերսկայա փողոցում գտնվող «Արագվի» հայտնի ռեստորանը փակվել է: Այդ մասին ռեստորանի խոհարարներից մեկը` Նուգզար Նեբիերիդզեն, հայտնել է Faсebook-ի իր էջում, հայտնում է «Ведомости»-ին:

«Ընկերներ, ինքս չեմ հավատում, բայց գործ եմ փնտրում», - գրել է «Արագվիի» խոհարարը, - ցավոք, ռեստորանն այլևս փակ է»: «Ներկա պահին որոշում է ընդունված ծրագրի դադարեցման մասին», - խոհարարի տեղեկությունները հաստատել է «Տաշիր» ընկերության ներկայացուցիչը, որը ղեկավարում էր ռեստորանը:

«Վեդոմոստի»–ի տվյալներով, կոնֆլիկտ է առաջացել Սամվել Կարապետյանի կառավարիչ ընկերության և տարածքի սեփականատեր Արա Աբրահամյանի ընտանիքի միջև։

«Արագվին» հայտնի մոսկավոյան ռեստորան է, որը գտնվում է Տվերսկայա փողոցի վրա: Ռեստորանի շենքը` տարածաշրջանային նշանակության մշակութային ժառանգություն հանդիսացող «Դրեզդեն» հյուրանոցի մի մասն է: Շենքը բերվել է ներկա արտաքին տեսքի 1930–ականներին, այդ ժամանակ էլ այստեղ բացվել է վրացական խոհանոցի «Արագվի» ռեստորանը, որը գործել է Լոնգինոզա Ստաժաջեի ղեկավարության ներքո:

Քաղաքի լեգենդի համաձայն, վրացական ռեստորանի բացման նախաձեռնությունը պատկանում է Ստալինի ներքին գործերի կոմիսար Լավրենտի Բերիային: 2000 թ.-ին տեղի ունեցած վերակառուցման ժամանակ հայտնաբերվել է տաղավարների 17 դարի աղյուսաշեն շարումը:-0-