ԵՐԵՎԱՆ, 1 հուլիսի. /Նովոստի-Արմենիա/. Հայաստանը 2020 թ.-ին մեկընդմիշտ կլուծի Սպիտակի երկրաշարժի տուժածների բնակարանային խնդիրը: Այդ մասին այսօր լրագրողների հետ հանդիպմանն ասաց Քաղաքաշինության կոմիտեի նախագահ Վահագն Վերմիշյանը:
Ըստ նրա, կոմիտեն ուսումնասիրություն է կատարել երկրաշարժի ժամանակ տուժած ընտանիքների թվի մասին, որոնք մինչև այժմ Լոռու, Շիրակի և Արագածոտնի մարզերում ապրում են, այսպես կոչված, տնակներում:
Նա նշեց, որ ուսումնասիրությունների արդյունքում որոշվել է միանգամից լուծել տուժածների բնակարանային խնդիրները, որոնց թիվը այսօր կազմում է 453 ընտանիք:
«Կառավարությունը պետբյուջեի շրջանակում ամեն տարի միջոցներ է հատկացնում են 1988 թ.-ի ավերիչ երկրաշարժի տուժածներին բնակարանով ապահովելու համար: 2008 թ.-ից 2018թ. հատկացվել է 65 մլրդ դրամ` 4839 ընտանիք տնով ապահովելու համար, 2018 թ.-ին` 460 մլն 44 ընտանիքի համար, 2019 թ.-ին` 560 մլն դրամ` 60 ընտանիքի համար: Իսկ 2020 թ.-ին մենք նախատեսում ենք լուծել այդ հարցը` բնակարանով ապահովելով վերջին 453 ընտանիքներին և այդ նպատակով հատկացնելով 3 մլրդ դրամ», - ասաց Վերմիշյանը:
Загружается новость ... "Лево"
Ըստ նրա, այդ կերպ 2020 թ.-ի ավարտին Հայաստանում չեն լինի երկրաշարժից տուժածներ, որոնք անօթևան լինեն։
Միաժամանակ նա նշեց, որ ստուգումների արդյունքում հայտնաբերվել է, որ «տնակներում» շարունակում է ապրել 5396 ընտանիք, որոնք բաժանված են տարբեր կարգերի և կարգավիճակների:
Նա նշեց, որ նրանց խնդիրը նույնպես պետք է լուծվի, հնարավոր է որոշ կատեգորիայի ընտանիքներին բնակարան ձեռք բերելու հավաստագիր տրամադրելու օգնությամբ:
«Խնդիրն այն է, որ նրանցից շատերը երկրաշարժից տուժածներ չեն, նրանք իրենց սեփական տներն ունեն այլ մարզերում, որոշները 150 ք մ տարածքով, սակայն նախընտրում են ապրել աղետի գոտում գտնվող տնակներում: Պետությունը ոչ մի պարտականություն չունի նրանց առջև», - ասավ Վերմիշյանը:
Միաժամանակ նա նշեց, որ կառավարությունը մտադիր է ազատվել «տնակների» ժառանգությունից, որոնց մեծ մասը կառուցվել է հասարակական տարածներում և խանգարում է քաղաքի զարգացմանը:
«Մենք մտադիր ենք լուծել բնակարանային խնդիրը բոլոր այն շահառուների համար, որոնք մնացել են առանց տան, ինչից հետո «տնակները» կվերացվեն», - ասաց Վերմիշյանը:
Նա չբացառեց նաև Նորվեգիայի օրինակով սոցիալական բնակարանների կառուցումը, որտեղ հարմարավետ տները կառուցում է պետությունը, ինչից հետո ամեն մի բնակարան տրվում է վարձով` առանց փոփոխության ենթարկելու կամ որպես սեփականություն ձեռք բերելու իրավունքի հնարավորության։ 0-
