ԵՐԵՎԱՆ, 26 մայիսի. /Նովոստի–Արմենիա/. Հայտնի է «Միսս ԱՊՀ» միջազգային գեղեցկության մրցույթին Հայաստանը ներկայացնող երրորդ գեղեցկուհու անունը:
Ինչպես հաղորդում են մրցույթի կազմակերպիչները, Երևանում հունիսի 6-ին կայանալիք «Միսս ԱՊՀ» միջազգային գեղեցկության մրցույթի եզրափակչին Հայաստանը կներկայացնեն երեք գեղեցկուհիներ: Արփինե Բալյանին և ՄարինեՄարգարյանին է միացել Շուշան Երիցյանը, ով ևս մրցույթում կներկայացնի Հայաստանը:
Շուշան Երիցյանը բացի մոդել լինելուց նաև դերասանուհի է, հաղորդավարուհի, հանդես է եկել մի շարք հեռուստասերիալներում, գովազդային ու երաժշտական հոլովակներում: Մասնակցել է բազմաթիվ նորաձևության ցուցադրությունների, մի շարք միջազգային մրցույթների` այդ թվում Չինաստանում ու Ճապոնիայում:
Загружается новость ... "Лево"
Երեք հայ գեղեցկուհիներն անհամբերությամբ են սպասում իրադարձությանը և մեծ պատասխանատվությամբ պատրաստվում են հեղինկավոր ստուգատեսի եզրափակչին։
Մրցույթի անցկացման նպատակն է բացահայտել աղջիկների, որոնք կարող են պատշաճ մակարդակով ներկայացնել ԱՊՀ երկրները համաշխարհային կինոարտադրության և նորաձևության ոլորտներում, ապահովել հաղթող աղջիկների պրոֆեսիոնալ զարգացումն ու դրանց հետագա համագործակցությունը աշխարհահռչակ նորաձևության գործակալությունների, պրոդյուսերական կենտրոնների և կինոարտադրողների հետ, ինչպես նաև ամրապնդել կապերը ԱՊՀ երկրների միջև։
Մրցույթի եզրափակչի ժյուրիի կազմում ներառված կլինի 11 փորձառու մասնագետ` Հայաստանից, Ռուսաստանից և ԱՊՀ մյուս երկրներից։ Երևան կժամանեն հայտնի բլոգերներ, նորաձևության ամսագրերի խմբագիրներ, նորաձության քննադատներ, դիզայներներ և այլք։
Մրցույթին ներկայացվել է մասնակցության վեց հազար հայտ, լսարանը կազմում է 25 մլն մարդ, իսկ մրցանակային ֆոնդը 16,2 մլն դրամ է (ավելի քան 33 հազար դոլար)։–0–
