Հայտնի է` որքան գումար են Քարդաշյանները վերցնում սոցցանցում գովազդի համար

17.04.2019, 15:50
Քրիսը նաև նշել է, որ նրանք գնացուցակ ունեն նման առաջարկների համար:
Հայտնի է` որքան գումար են Քարդաշյանները վերցնում սոցցանցում գովազդի համար

ԵՐԵՎԱՆ, 17 ապրիլի. /Նովոստի-Արմենիա/. Ամերիկյան ռեալիթի-շոուի աստղ Քիմ Քարդաշյանի մայրը` Քրիս Ջեները, CBS Sunday Morning շոուին տված հարցազրույցում պատմել է իր ընտանիքի կողմից հովանավորվող հրապարակումների մասին: Այդ մասին հայտնում է buro247.ru-ն:

«Դուստրերիս անընդհատ առաջարկվում են սոցցանցերում գովազդել որևէ ընկերություն կամ ապրանքանիշ», - նշել է նա:

Քրիսը նաև նշել է, որ նրանք գնացուցակ ունեն նման առաջարկների համար, ընդ որում գները տարբերվում են` կախված հրապարակման տեսակից: Օրինակ, Instagram–ի, stories–ի կամ Facebook-ի համար նախատեսված հրապարակումները կտարբերվեն իրենց գներով:

Քրիս Ջեները չնշեց կոնկրետ գինը, սակայն հայտնեց, որ դրանք, առնվազն, վեցանիշ թվեր են: Հայտնի է նաև, որ եթե դա «դեղորայքի կամ այնպիսի ապրանքի գովազդ է, որը պետք է խմել, ուտել կամ քսել մարմնին», ապա գովազդային հրապարակման գինը բարձրանում է:-0-