Աուտիզմը հնարավոր է հայտնաբերել արյան անալիզի միջոցով

ԵՐԵՎԱՆ, 24 փետրվարի. /Նովոստի–Արմենիա/. ԱՄՆ Ինդիանա նահանգի Ուորիք շրջանի համալսարանի գիտնականները մշակել են էքսպրես–թեստ, որի միջոցով հնարավոր է բացահայտել գլխուղեղի այնպիսի լուրջ խանգարումներ, ինչպիսին աուտիզմն է, գրում է life.ru–ն։

Գիտնականները կարծում են, որ արյան անալիզի միջոցով պլազմայում վնասված սպիտակուցների ստուգումը կարող է նպաստել տարբեր խանգարումների վաղ բուժման։

Նրանց կարծիքով, օքսիդացնող մարկերի (դիտիրոզին) մակարդակը կարող է ուղղակիորեն ազդել երեխայի գլխուղեղի զարգացման գործընթացների վրա։ Ինչպես նշում են գիտնականները, տվյալների զգալի մասը կարելի է ստանալ մեզի անալիզի միջոցով։ Նրանք նշում են, որ որոշ թաքնված դեֆեկտներ կարող են արտահայտվել հատուկ մարկերների միջոցով, որոնք հնարավոր է հայտնաբերել լաբորատոր անալիզի օգնությամբ։–0–