ԵՐԵՎԱՆ, 3 դեկտեմբերի./Նովոստի-Արմենիա/. ՀՀ ԱԳ նախարար Արա Այվազյանը դեկտեմբերի 7-ին աշխատանքային այցով կլինի Մոսկվայում, որի ընթացքում կհանդիպում ՌԴ ԱԳ նախարար Սերգեյ Լավրովի հետ: Այս մասին հինգշաբթի՝ դեկտեմբերի 3-ին, ամենշաբաթյա ճեպազրույցի ժամանակ հայտնել է ՌԴ ԱԳՆ ներկայացուցիչ Մարիա Զախարովան:
«Արտաքին գործերի գերատեսչությունների ղեկավարները կքննարկեն միջազգային և տարածաշրջանային խնդիրները, երկկողմ կապերի ողջ համալիրը, անպայման, հատուկ ուշադրության է արժանանալու նոյեմբերի 9-ին ՌԴ, Ադրբեջանի և Հայաստանի առաջնորդների հայտարարությունների կատարումը (ԼՂ հակամարտության գոտում ռազմական գործողությունների դադարեցման մասին. խմբգր.)՝ մարդասիրական աջակցության, ենթակառուցվածքների վերականգնման, տարածաշրջանում տրանսպորտային միջանցքների ապաշրջափակման վերականգնման շեշտադրությամբ»,- հայտնել է Զախարովան:
Նրա խոսքով, հարցերը քննարկվելու են պայմանավորվածությունների համատեքստում, որոնք ձեռք են բերվել նոյեմբերի 21-ին Երևան և Բաքու ռուսական պատվիրակության այցի ժամանակ: Երկրների և դիրքորոշումների փոխգործակցությունը դիտարկվելու է ԵԱՏՄ, ՀԱՊԿ, ԱՊՀ, ՄԱԿ, ԵԱՀԿ, Եվրախորհրդի և այլ միջազգային կազմակերպությունների ձևաչափերով:
Զախարովան նաև նշել է, որ Հայաստանի և Ռուսաստանի միջև հարաբերությունները դաշնակցային բնույթ ունեն և առանձնանում են «բարձր մակարդակի ինտենսիվ քաղաքական երկխոսությամբ»:-0-