Վանեցյանն ընդդիմության առաջնորդ դառնալու մեծ շանսեր ունի. քաղտեխնոլոգ

Քոչարյանի կարծիքով, այս դիրքի համար հավակնել, որոշակի պատճառներից ելնելով, կարող է միայն ՀՀ ԱԱԾ նախկին տնօրեն Արթուր Վանեցյանը։ Մասնավորապես, որովհետև նա վերջին երկու տարում ամենաերևացող ֆիգուրներից է եղել։

«Արթուր Վանեցյանի շանսերը մեծ են, եթե մտնի քաղաքականություն»,– նշեց նա։

Ընդհանուր առմամբ, ինչպես նշեց Քոչարյանը, 2020թ.–ին Հայաստանի քաղաքական ուժերը կպայքարեն ոչ միայն իշխանության, այլև ընդդիմադիր դաշտում տեղի համար։

«Այդպես է եղել միշտ, հիմա այդ (գործընթացը) ավելի ակնառու կլինի, որովհետև այդ տեղի համար պայքարում են ինչպես երկու խորհրդարանական ուժերը, որոնք իրենց ընդդադիր են հայտարարել, այդպես էլ արտախորհրդարանական ուժերը, որոնք շատ տարբեր են և ունեն տարբեր շանսեր»,– ասաց նա։

Քոչարյանի խոսքերով, այսօր Հայաստանում կատարվող գործընթացները արդեն նկատելի են և սպասելի, որովհետև 2018թ.–ի ապրիլ–մայիսից հետո ընդդիմադիր դաշտը փաստացիորեն դատարկ էր, և պետք էր` ինչ–որ մեկը զբաղեցներ այն։

«Բավականաչափ ակտիվ են նոր ուժերը, որոնք դեռևս օբյեկտիվորեն այնքան էլ երևացող չեն հասարակության համար, բայց այս տարի կլինեն ավելի ակտիվ, քան նախորդ տարում»,– նշեց քաղտեխնոլոգը։ -0-