2011թ.-ի I կիսամյակում մանկական թրաֆիքինգի միայն մեկ դեպք է գրանցվել Հայաստանում
22.07.2011,
16:54
2011թ.-ի I կիսամյակում մանկական թրաֆիքինգի միայն մեկ դեպք է գրանցվել Հայաստանում
2011թ.-ի առաջին կիսամյակում Հայաստանի տարածքում մանկական թրաֆիքինգի միայն մեկ դեպք է գրանցվել, ուրբաթ լրագրողներին հայտնեց ՀՀ ոստիկանության ԿՀԴՊԳՎ թրաֆիքինգի դեմ պայքարի բաժնի պետ Տիգրան Պետրոսյանը։
«Խոսքը երեխային մուրացկանության դրդելու մասին է։ Այդ գործով դատական գործընթացը շարունակվում է, և տվյալ պահին գործը գտնվում է դատական գործընթացում»,- հայտնեց Պետրոսյանը։
Նա նաև հիշեցրեց, որ Հայաստանում խստացվել է մանկական թրաֆիքինգի քրեական պատիժը։
Մասնավորապես մանկական թրաֆիքինգով զբաղվող անձինք կդատապարտվեն մինչև յոթ տարի ազատազրկմամբ, իսկ վաղաժամ ազատումը հնարավոր կդառնա միայն ժամկետի երեք քառորդ մասը լրանալուց հետո։ -0-
Պատճենել հղումը
