Ռուսաստանն ավարտում է անբերքատվությունից տուժած Հայաստանին մարդասիրական օգնության տրամադրումը. ԱԻՆ

Արտակարգ իրավիճակների նախարարությունը, ՌԴ կառավարության հանձնարարության համաձայն, ավարտում է անբերքատվությունից տուժած Հայաստանի Հանրապետությանը պարենային օգնության տրամադրման մարդասիրական օպերացիայի երկրորդ փուլը, չորեքշաբթի ՌԻԱ Նովոստիին են տեղեկացրել ՌԴ ԱԻՆ-ից:

«Սարատովի մարզում գտնվող Կրասնիյ Կուտ կայարանից Հայաստան են ուղարկվել 5 հազար տոննա ցորենի հացահատիկով բեռնված բոլոր 75 վագոնները: Տասնութ վագոն (1,199 հազար տոննա) ժամանել է Դալարիկ կայարան, 57 վագոն (3,801 հազար տոննա) դեռ ճապանարհին է», - ասել է գործակալության զրուցակիցը:

Նա հիշեցրել է, որ մարդասիրական օպերացիայի առաջին փուլը մեկնարկել էր սեպտեմբերին: Ռուսաստանից Հայաստանի Հրազդան կայարան էր ժամանել 5 հազար տոննա ռաֆինացված արևածաղկի ձեթով բեռնված 22 վագոն:-0-