Հայ-ռուսական հարաբերություններն ավելի ակտիվ տեմպերով են զարգանում, քան նախկինում. փորձագետ
Հայ-ռուսական հարաբերություններն այսօր ավելի ակտիվ տեմպերով են զարգանում, քան նախկինում, ուրբաթ ասաց Կովկասի Ինստիտուտի տնօրեն Ալեքսանդր Իսկանդարյանը «Ռուսաստան-Հայաստան. հարաբերությունների նոր մակարդակ» Երևան-Մոսկվա տեսակամուրջի ընթացքում։
Ըստ նրա, այդ աշխուժացումը կապված է ոչ այդքան Ռուսաստանի նախագահ Դմիտրի Մեդվեդևի՝ Հայաստան կատարած այցի հետ, այլ որ այցի ժամանակ տեղի ունեցավ գործոնների կատալիզացիա, որոնք հանգեցրին այդ ակտիվացմանը։
Ռուսաստանն ու Հայաստանը արձանագրություն են ստորագրել Գյումրիի ռուսական ռազմակայանի մասին 1995թ.-ին ստորագրված երկկողմ պայմանագրի մեջ փոփոխություններ կատարելու մասին, որոնք վերաբերում են փաստաթղթի գործողության ժամկետի երկարացմանը: 1995թ.-ին ստորագրված պայմանագրի գործողության ժամկետը 25 տարի էր, այժմ փաստաթուղթը գործելու է 49 տարի:
Ինչպես նշեց Իսկանդարյանը, կատալիզացիան իր մեջ է ներառում այն, ինձ տեղի էր ունենում տարածաշրջանում վերջին երկու տարիների ընթացքում՝ նախևառաջ դա Հնգօրյա պատերազմն է և դրան հետևող իրադարձությունները, երկրորդ՝ ձախողված կամ առնվազն սառեցված հայ-թուրքական գործընթացը։
«Միաժամանակ գոյություն ունի ռուս-թուրքական գործընթաց, որն առանձին է գտնվում և ավելի շուտ վերաբերում է էներգետիկ և հեռահաղորդակցային նախագծերին։ Սա էլ է փոխում տարածաշրջանի ձևաչափը։ Եվ այն, որ Ռուսաստանն ու Հայաստանը որոշեցին կողմնորոշվել և հզորացնել երկկողմ հարաբերությունների ձևաչափը, կապված է վերոնշյալի հետ»,- նշեց քաղաքագետը։ -0-
