Կովկասյան միջազգային «Հարավային Կովկասի անվտանգության և տեղեկատվական համագործակցության խնդիրները» գիտագործնական համաժողովի երկրորդ օրվը մասնակիցները կքննարկեն հարավկովկասյան տարածաշրջանի երկրների հարաբերությունների զարգացման հեռանկարները։
Կովկասյան միջազգային գիտագործնական համաժողովի կազմակերպումը «ՌԻԱ Նովոստի» միջազգային տեղեկատվության գործակալության հատուկ լրատվական նախագիծն է։ 2006թ.-ից սկսած՝ այն ամեն տարի անցկացվում է Երևանում: Այս տարի համաժողովն անցկացվում է ՀՀ նախագահի աշխատակազմի հետ համատեղ։
«Փորձեր կարվեն կանխատեսել, թե ինչպես կզարգանան հարաբերությունները, ընդ որում՝ ոչ միայն ռուս-հայկական։ Կա նաև Վրաստանը՝ տարածաշրջանային հարաբերությունների շատ յուրահատուկ ձևաչափով»,- «Նովոստի-Արմենիա» գործակալությանն ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Փորձագետը նշեց, որ քննարկման առաջին օրը բավականին հետաքրքիր է անցել՝ ավելացնելով, որ գլոբալ և տարածաշրջանային մակարդակում մոտավորապես միևնույն թեմաներն են քննարկվել, այդ թվում՝ պետության դերի, պետությունների հետ տեղի ունեցող փոխակերպումների և քաղաքականության մեջ դրանց դերի մասին՝ գլոբալ մակարդակում և մեր տարածաշրջանում։
Ըստ նրա՝ նաև քննարկվել է միմյան միջև պետությունների փոխգործակցությունը, ճանաչված և չճանաչված պետությունների հարցը, ինչպես նաև տարածաշրջանում արտաքին ուժերի շահերը։
Համաժողովի մասնակիցների թվում են Ազգային էներգետիկ անվտանգության հիմնադրամի նախագահ Կոնստանտին Սիմոնովը, ԱՄՆ-ի Համաշխարհային անվտանգության ինստիտուտի եվրոպական և ասիական ծրագրերի տնօրեն Նիկոլայ Զլոբինը, Արդյունավետ քաղաքականության հիմնադրամի գլխավոր տնօրեն Կիրիլ Տանաևը, ՄՀՄՀ գործադիր տնօրենի տեղակալ Պյոտր Գլադկովը, ՌԻԱ Նովոստիի ԱՊՀ և Բալթյան երկրների խմբագրությունների ղեկավար Ալան Կասաևը, ճանաչված հեռուստամեկնաբան Ալեքսանդր Գուռնովը, ինչպես նաև Վրաստանի հեղինակավոր փորձագետներ` Թբիլիսիի տնտեսական հարաբերությունների պետական համալսարանի պրոֆեսոր Գիա Մեպարիշվիլին, Տարածաշրջանային անվտանգության հարավկովկասյան ինստիտուտի ղեկավար Ալեքսանդր Ռուսեցկին։
Հայ փորձագետներից համաժողովին կմասնակցեն հայ հայտնի քաղաքագետներ, փորձագետներ, պատգամավորներ։
Համաժողովի ծրագրում, բացի համագումարների և կլոր սեղանների ընթացքում փորձի փոխանակումից, ընդգրկված են հայկական ԶԼՄ-ների համար խորհրդաժողովի մասնակիցների մամուլի ասուլիսներ, Հայաստանի համալսարանների ժուռնալիստիկայի և քաղաքագիտության ֆակուլտետների ուսանողների համար տեղեկատվական քաղաքականության բնագավառի մասնագետների վարպետության դասեր։
Ծրագրված է նաև Երևան-Մոսկվա տեսակամուրջ՝ «Հայաստան-Ռուսաստան. հարաբերությունների նոր մակարդակ» թեմայով։ --0—
