Լուսնի չինական տոնը կնշեն Երևանում սեպտեմբերի 24-ին

ԵՐԵՎԱՆ, 22 սեպտեմբերի. /Նովոստի-Արմենիա/. Լուսնի կամ Բերքի Չժունցյու չինական տոնը կնշեն Երևանում սեպտեմբերի 24-ին, տեղեկացնում է Երևանի Վ. Բրյուսովի անվան Պետական Լեզվաբանական Համալսարանի մամուլի ծառայությունը։

Միջոցառման կազմակերպիչը Երևանի Վ. Բրյուսովի անվան Պետական Լեզվաբանական Համալսարանում գործող Կոնֆուցիուսի Ինստիտուտն է։   

Հետևելով չինական ավանդույթին՝ միջոցառման ընթացքում հյուրերը հնարավորություն կունենան ծանոթանալու և ճաշակելու այդ տոնին նվիրված աշնանային հատուկ քաղցրավենիք և մրգեր:

Միջոցառումն իրենց մասնակցությամբ կպատվեն Հայաստանում Չինաստանի Ժողովրդական Հանրապետության դեսպան Թյեն Չան Չուն, Հայաստանում Հնդկաստանի ՉԺՀ-ի աշխատակիցներ, հյուրեր ՀՀ կառավարությունից, Ազգային Ժողովից, ՀՀ Գիտության և Կրթության նախարարությունից, մասնագետներ և ուրիշներ:

Լուսնի կամ բերքի Չժունցյու տոնը նշում են Չինաստանում լուսնային օրացույցով ութերորդ ամսվա 15-րդ օրը։ Դա մոտավորապես աշնան կեսն է, այդ պատճառով դեռևս հին ժամանակներում այն կոչել են Չժունցյու՝ աշնան կես։ Տոնը ծնունդ է առել Թան դինաստիայի ժամանակաշրջանում և կարևոր տեղ է զբաղեցնում չինական օրացույցում՝ դա Լուսնի աստծու պաշտամունքի օր է։

Ըստ ավանդույթի, տոնական օրը չինացիները հատուկ քաղցր կարկանդակներ են ուտում և բանաստեղծություններ են կարդում լուսին լույսի ներքո, երբ լուսինն ամենակլոր և ամենավառ փուլում է։

Լուսնային բլիթները հիշեցնում են մոնղոլ նվաճողների դեմ չինացիների ապստամբության մասին։ Շատ դարեր առաջ նման կարկանդակներում դրված գրությունները կոչ էին անում ապստամբության նվաճողների դեմ։ Այս կարկանդակների խմորը պատրաստում են լոտոսի սերմերից և մանրացված քնջութից։

Այդ օրը սիրահարները խնդրում են աստվածներին միաբանել իրենց, որպեսզի նրանք լուսնի նման մեկ ընդհանուր դառնան։ –0—