Հայկական խորհրդարանի նիստերի դահլիճի վերանորոգման համար պետբյուջեից 1,3 մլն դոլար է ծախսվել. խոսնակ
ՀՀ Ազգային ժողովի նիստերի դահլիճի վերանորոգմանը 1,3 մլն դորալ է հատկացվել, հինգշաբթի լրագրողներին հայտնեց ԱԺ նախագահ Հովիկ Աբրահամյանը։
Ըստ նրա՝ վերանորոգված դահլիճը լիովին պատրաստ կլինի սեպտեմբերի 25-ին։
Վերանորոգման աշխատանքները սկսվել են մայիսին, ինչի կապակցությամբ խորհրդարանը նիստերը ժամանակավորապես անցկացրել է կառավարության նիստերի դահլիճում։
«Նիստերի դահլիճի վերանորոգումը մի փոքր ավելի երկար է տևել, քան ծրագրված էր, ինչպես դա լինում է վերանորոգման ժամանակ ընդհանրապես։ Բացի այդ, մենք որոշում ենք կայացրել վերանորոգել նաև ճեմասրահը, որպեսզի այն համապատասխանի դահլիճին»,- ասաց խոսնակը։
Աբրահամյանը նշեց, որ նոր նախագծի համաձայն՝ լրագրողների համար հատուկ օթյակ է հատկացվել, ևս մեկը կնախատեսվի հեռուստաօպերատորների համար։
«Ես ամեն օր հետևում եմ վերանորոգման աշխատանքներին և հավաստիացնում եմ, որ բոլոր աշխատանքներն իրենց հունով են ընթանում։ Վերանորոգումից հետո մեր նիստերի դահլիճը շատ գեղեցիկ կլինի»,- ավելացրեց խոսնակը։ -0-
