ՀՀ վարչապետն այցելել է Երեխաների պաշտպանության օրվան նվիրված ցուցահանդես
ԵՐԵՎԱՆ, 1 հունիսի./Նովոստի-Արմենիա/. ՀՀ վարչապետ Տիգրան Սարգսյանը երեքշաբթի այցելել է Երեխաների պաշտպանության օրվան նվիրված ժողովրդական ստեղծագործության ցուցահանդես:
«Մենք կարևորություն ենք տալիս նման միջոցառումներին և միշտ պատրաստ ենք աջակցել նման նախաձեռնություններին»,- Ժողովրդական արվեստի թանգարանում իր հովանու ներքո անցկացվող ցուցահանդեսի բացման ժամանակ ասաց կառավարության ղեկավարը:
Իր հերթին Աշխարհի հայ նկարիչների միության համանախագահ Անահիտ Մխիթարյանը հայտնեց, որ ցուցահանդեսը կազմակերպվել է Հայ Առաքելական Եկեղեցու Արարատյան Հայրապետական թեմի և «ԱրմենՏել» հեռահաղորդակցական ընկերության աջակցությամբ:
«Ցուցադրությունում ներկայացված է շուրջ 20 ինքնուս նկարիչների աշխատանք: Մենք հուսով ենք, որ այսօրվա միջոցառումն իր տեսակի մեջ վերջինը չի լինի»,- նշեց Մխիթարյանը՝ հայտնելով, որ նման ցուցահանդես վերջին անգամ անցկացվել է 1992թ.-ին:
Ցուցահանդեսը 10 օր կտևի, այնտեղ ներկայացված են նկարներ, քանդակներ, գորգեր, տարազ, կերամիկա: -0-
