ԵՐԵՎԱՆ, 18 փետրվարի. /Նովոստի-Արմենիա/. «Հարավկովկասյան երկաթուղի» ՓԲԸ և Երևանի քաղաքապետարանի ներկայացուցիչներից բաղկացած աշխատանքային խումբը շրջայց է կատարել Քանաքեռ-Զեյթուն երկաթուղային տեղամասում։ Շրջայցի շրջանակներում հետազոտվել է տեղամասի վիճակը և քննարկվել այնտեղ գտնվող «Ուսանողական» կանգառի վերականգնման հեռանկարները, տեղեկացնում է ընկերության մամուլի ծառայությունը։
Քաղաքապետարանի հետ համատեղ աշխատանքն այս ուղղությամբ սկսվել է այն բանից հետո, երբ Երևանի բազմաթիվ բնակիչների անունից 2009 թվականին «Գոլոս Արմենիի» թերթի խմբագրություն նամակ է ստացվել Զեյթունի կանգառի աշխատանքը վերականգնելու առաջարկով։
««ՀԿԵ» ՓԲԸ-ն շահագրգռված է ուղևորահոսքի մեծացմամբ և կձեռնարկի անհրաժեշտ բոլոր քայլերը՝ «Ուսանողական» կանգառից ուղևորների տեղափոխումը վերսկսելու նպատակով։ Սակայն այստեղ ավելացող աղբավայրերն, ինչպես նաև այլ գործոններ լուրջ վտանգ են ներկայացնում գնացքների աշխատանքի համար։ Այդ իսկ պատճառով անհրաժեշտ է քաղաքապետարանի հետ համատեղ միջոցառումների իրականացումը՝ դրված խնդրի համալիր լուծման համար»,- ասվում է հաղորդագրությունում։
«ՀԿԵ» ՓԲԸ և Երևանի քաղաքապետարանի ներկայացուցիչները որոշել են կանոնավոր բնույթ հաղորդել նմանատիպ շրջայցերին՝ տվյալ հարցի լուծման առավել օպտիմալ ուղիներ մշակելու նպատակով։
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--
