Ռուսաստանն ու Հայաստանը պայմանավորվել են ՌՏՀ ոլորտում փոխգործակցության մասին
![Ռուսաստանն ու Հայաստանը պայմանավորվել են ՌՏՀ ոլորտում փոխգործակցության մասին Ռուսաստանն ու Հայաստանը պայմանավորվել են ՌՏՀ ոլորտում փոխգործակցության մասին](/upload/iblock/042/ncw43boo0g8h2f1ywe3qs6r66losfon7.jpg)
Համաձայնագիրը ստորագրվել է չորեքշաբթի Երևանում՝ ՌՏՀ հարցերի ռուս-հայկական միջկառավարական հանձնաժողովի չորրորդ նիստի շրջանակներում, հստակեցնում է մամուլի ծառայությունը:
«Կողմերը քննարկել են երկկողմ ռազմատեխնիկական համագործակցության արդիական հարցեր և դրա հետագա զարգացման հիմնական ուղղությունները: Հատուկ ուշադրություն է դարձվել նորմատիվային իրավական բազայի կատարելագործմանը»,- ասվում է հաղորդագրության մեջ:
Միջկառավարական հանձնաժողովի հերթական նիստը տեղի կունենա 2010 թ.-ի երրորդ եռամսյակում Ռուսաստանում:
ԱՊՀ տարածքում երկկողմանի հիմունքներով և բազմակողմանի ինտեգրացիոն ձևաչափերի շրջանակներում ռազմաքաղաքական փոխգործակցությունը լուրջ կայունացնող ազդեցություն է գործում Անդրկովկասի իրավիճակի վրա:
Հոկտեմբերին Հայաստանի նախագահ Սերժ Սարգսյանի և ՌԴ նախագահ Դմիտրի Մեդեդևի հանդիման ընթացքում հատուկ անդրադարձ է կատարվել ՀԱՊԿ-ի շրջանակներում երկու երկրների միջև համագործակցության հեռանկարներին և Արագ արձագանքման հավաքական ուժերին` Ղազախստանում անցկացված «Փոխգործակցություն-2009» զորավարժությունների համատեքստում:
Չնայած համաշխարհային ֆինանսական ճգնաժամի ազդեցությանը՝ Ռուսաստանը պահպանում է Հայաստանի առաջատար արտաքին տնտեսական գործընկերոջ դիրքը: Այս տարվա առաջին կիսամյակում Ռուսաստանի կողմից Հայաստանի տնտեսության մեջ կապիտալ ներդրումները գերազանցել են 122 մլն դոլարը:-0-