Ընդդիմադիր թերթի խմբագրի վերաբերյալ քրեական գործն ուղարկվել է դատարան

«Հայկական ժամանակ» հայկական ընդդիմադիր թերթի խմբագիր, 2008 թվականի մարտի 1-2-ին Երևանում զանգվածային անկարգությունների գործով ձերբակալված Նիկոլ Փաշինյանի վերաբերյալ քրեական գործն ուղարկվել է դատարան, «Նովոստի-Արմենիա» գործակալությանը հայտնեցին հանրապետության գլխավոր դատախազության մամուլի ծառայությունից։  

«Քրեական գործն ուղարկվել է Երևանի Կենտրոն և Նորք-Մարաշ համայնքների առաջին ատյանի դատարան՝ ըստ էության քննելու համար»,- ասվում է հաղորդագրության մեջ։

Զանգվածային անկարգությունների կապակցության հետախուզման մեջ գտնվող Նիկոլ Փաշինյանը իշխանություններին է հանձնվել հուլիսի 1-ին։

Նրան մեղադրանք է առաջադրվել Քրեական օրենսգրքի երկու հոդվածով՝ բռնության կիրառում իշխանության ներկայացուցչի նկատմամբ և զանգվածային անկարգությունների կազմակերպում։

Ընդդիմադիր թերթի խմբագրին է վերագրվում ոստիկանության աշխատակցի նկատմամբ կյանքի համար ոչ վտանգավոր բռնություն կիրառելը 2007 թվականի հոկտեմբերի 23-ին և մի խումբ անձանց հետ 2008 թվականի մարտի 1-2-ին Երևանում զանգվածային անկարգությունների կազմակերպումը։ -0-