ԵՐԵՎԱՆ, 30 սեպտեմբերի. /Նովոստի-Արմենիա/. «ՌԻԱ Նովոստիի» «Երիտասարդ և հայտնի» խորագրով լուսանկարչական ցուցահանդեսը կբացվի Երևանի Մոսկվայի տանը հոկտեմբերի 1-ին «Անվտանգությունը Հարավային Կովկասում. տարածաշրջանի ժողովուրդների շահերի իրացում» միջազգային գիտապրակտիկ կոնֆերանսի շրջանակներում։
«Երիտասարդ և հայտնի» խորագրով լուսանկարչական ցուցահանդեսի գաղափարը երիտասարդի կերպարի փոփոխությանը հետևելն է XX դարասկզբից մինչև մեր օրերը:
Լուսանկարչական ցուցահանդեսին կներկայացվի 30 լուսանկար: Ցուցահանդեսը ստեղծվել է «ՌԻԱ Նովոստիի» բացառիկ ֆոտոարխիվի հիման վրա:
Դրանք գործակալության առաջատար լուսանկարիչների՝ Միխայիլ Օզերսկու, Դմիտրի Դոնսկոյի, Օլեգ Մակարովի, Վլադիմիր Ֆեդորենկոյի, Ալեքսանդր Նևեժինի, Դմիտրի Կորոբեյնիկովի, Սերգեյ Գունեևի, Վլադիմիր Վյատկինի, Անտոն Դենիսովի, Եկատերինա Չեսնոկովայի և այլոց աշխատանքներն են:
Ցուցադրության ժամանակ կարելի է տեսնել հայտնի մարդկանց երիտասարդ տարիքում և ներկայիս հայտնի երիտասարդների դիմանկարները:
Նրանց թվում են քաղաքական գործիչներ, դերասաններ, երաժիշտներ, նկարիչներ, մարզիկներ, ում իրենց տաղանդը դարձրել է հայտնի և պահանջված:
Նրանց թվում են Սերգեյ Էյզենշտեյնը, Իգոր Կուրչատովը, Յուրի Գագարինը, Ալեքսանդրա Պախմուտովան, Վլադիմիր Սպիվակովը, Վյաչեսլավ Ֆետիսովը, Սվետլանա Խորկինան, Լեոնիդ Պարֆյոնովը, Օլեգ Տաբակովը, Եվգենի Եվտուշենկոն, Չուլպան Խամատովան, Կոնստանտին Խաբենսկին, Եվգենի Միրոնովն ու շատ այլ հայտնի դեմքեր, որոնց համախմբում է տաղանդը, համառությունն ու նպատակասլացությունը՝ այն երեք սահմանը, որտեղ բեկվում է երիտասարդությունը:
«Անվտանգությունը Հարավային Կովկասում. տարածաշրջանի ժողովուրդների շահերի իրացումը» միջազգային գիտագործնական համաժողովը, որը նվիրված է ՌՀՄ-ի 10-ամյակին, տեղի կունենա Երևանում հոկտեմբերի 1-ից հոկտեմբերի 4-ը:
Սա թվով չորրորդ ամենամյա միջազգային համաժողովն է, որը կազմակերպում է «ՌԻԱ Նովոստին»՝ Հայաստանի, Ադրբեջանի և Վրաստանի լրագրողական և փորձագիտական հանրության ներկայացուցիչների, ինչպես նաև հայտնի ռուս գիտնականների, տնտեսագետների, քաղաքագետների, առաջատար բուհերի, տպագիր և էլեկտրոնային հրատարակությունների ղեկավարների մասնակությամբ: Գիտագործնական համաժողովի կազմակերպման մշտական գործընկերն է Ռուս-հայկական (սլավոնական) համալսարանը:
Համաժողովի շրջանակներում նախատեսված է ՌՀՄ-ում անցկացնել «Հարավային Կովկաս. գժտության տարածաշրջա՞ն, թե՞ համագործակցության արեալ» թեմայով կլոր սեղան, Երևան-Թբիլիսի-Կիև տեսակամուրջ՝ «Նոր աշխարհաքաղաքական լանդշաֆտ Մեծ Կովկասում» թեմայով, ինչպես նաև վարպետության դասընթացներ ՌՀՄ-ի ուսանողների համար:-0-
