Հայաստանի ֆուտբոլի ազգային հավաքականի գլխավոր մարզիչը հրապարակել է Մոլդովայի ազգային հավաքականի հետ խաղում ընդգրկված ֆուտբոլիստների անունները

Հայաստանի ֆուտբոլի ազգային հավաքականի գլխավոր մարզիչ Վարդան Մինասյանը հրապարակել է Մոլդովայի ազգային հավաքականի հետ ընկերական հանդիպման թիմի կազմը, հաղորդում է Հայաստանի ֆուտբոլի ֆեդերացիայի մամուլի ծառայությունը: Հայաստանի և Մոլդովայի ֆուտբոլի հավաքականների միջև ընկերական հանդիպումը տեղի կունենա Երևանում օգոստոսի 12-ին:

Տեղեկատվության համաձայն՝ Մինասյանը հավաքականի կազմում ընդգրկել է հետևյալ ֆուտբոլիստներին.  դարպասապահներ` Գևորգ Կասպարով («Ուլիս»), Ստեփան Ղազարյան («Բանանց»), պաշտպաններ`Սարգիս Հովսեփյան («Փյունիկ»),

Հրայր Մկոյան («Ուլիս»), Վահագն Մինասյան («Փյունիկ»), Ալեքսանդր Թադևոսյան («Միկա»), Էդուարդ Կակոսյան («Բանանց»), Աղվան Մկրտչյան («Միկա»), կիսապաշտպաններ` Արարատ Առաքելյան («Մետալուրգ» Դ., Ուկրաինա), Արթուր Եդիգարյան («Փյունիկ»), Կառլեն Մկրտչյան («Փյունիկ»), Դավիթ Գրիգորյան («Ուլիս»),

Հիրաչ Յագան («Ստանդարտ» Բելգիա), Էդգար Մալաքյան («Փյունիկ»), Դավիթ Մանոյան («Փյունիկ»), Հենրիխ Մխիթարյան («Մետալուրգ» Դ., Ուկրաինա), հարձակվողներ`Եղիա Յավրույան («Մաքքաբի» Թել-Ավիվ Իսրայել), Մարկոս Պիզելի («Փյունիկ»), Հովհաննես Գոհարյան («ԲԱՏԵ» Բելառուս):

Ռուսական «Խիմկիի» դարպասապահ Ռոման Բերեզովսկին մեջքի վնասվածքի պատճառով բաց կթողնի այս հանդիպումը, իսկ Ռումինիայի «Տիմիշոարա» թիմում հանդես եկող Արման և Արտավազդ Քարամյանները հրաժարվել են մասնակցել այս խաղին` հերթական անգամ պատճառաբանելով վիզայի խնդիրը:-0-