Հայկական խորհրդարանի պատգամավորը դատապարտվել է 8 տարվա ազատազրկման՝ զանգվածային անկարգություններին մասնակցելու և անօրինական կերպով զենք պահելու համար

ԵՐԵՎԱՆ, 22 հունիսի. /Նովոստի-Արմենիա/. Հայկական խորհրդարանի պատգամավոր Սասուն Միքայելյանը երկուշաբթի դատապարտվել է 8 տարվա ազատազրկման, «Նովոստի-Արմենիա» գործակալությանը հայտնեց ՀՀ Վճռաբեկ դատարանի մամուլի քարտուղար Ալինա Ենգոյանը:  

Միքայելյանը մեղավոր է ճանաչվել 225 հոդվածի առաջին մասով /զանգվածային անկարգություններ/, 235 հոդվածի 2-րդ մասով /մի խումբ անձանց կողմից նախնական պայմանավորվածությամբ զենքի, զինամթերքի, պայթուցիկ նյութերի ու պայթյունավտանգ սարքավորումներ անօրինական ձեռքբերում, իրացում, պահում, տեղափոխում կան կրում/: Միաժամանակ դատարանը Միքայելյանին անմեղ ճանաչեց 235 հոդվածի 1-ին մասով /զենքի, զինամթերքի, պայթուցիկ նյութերի ու պայթյունավտանգ սարքավորումների անօրինական ձեռքբերում, իրացում, պահում, տեղափոխում կամ կրում/:  

Ենգոյանի խոսքերով՝ այսօր հրապարկվել են նաև այսպես կոչված «յոթի գործով» մյուս մասնակիցների մասով դատավճիռները: Պատգամավորներ Հակոբ Հակոբյանն ու Մյասնիկ Մալխասյանը մեղավոր են ճանաչվել ՀՀ ՔՕ 225 հոդվածի առաջին մասով և դատապարտվել 5 տարվա ազատազրկման, սակայն համաներման արդյունքում ազատ են արձակվել դատարանի դահլիճից:  

Ավելի վաղ համաներմամբ ազատ էին արձակվել ՀՀ նախկին արտգործնախարար Ալեքսանդր Արզումանյանը և հետախուզության մեջ գտնվող ներքին գործերի նախկին նախարար Վանո Սիրադեղյանի պահակախմբի նախկին պետ Սուրեն Սիրունյանը:

Այսպիսով՝ Սասուն Միքայելյանը «յոթի գործով» միակ մասնակիցն էր, որի վրա  համաներումը չտարածվեց:  

«Յոթի գործով» միասնական գործի շրջանակներում քննվում էին ՀՀ ԱԺ պատգամավորներ Մյասնիկ Մալխասյանի, Սասուն Միքայելյանի, Հակոբ Հակոբյանի, նախկին արտգործնախարար Ալեքսանդր Արզումանյանի, Աբովյան քաղաքի նախկին քաղաքապետ Գրիգոր Ոսկերչյանի, Սուրեն Սիրունյանի և Շանթ Հարությունյանի դեմ մեղադրանքները, որոնք, մասնավորապես, մեղադրվում էին սպանությամբ զուգորդված զանգվածային անկարգությունների կազմակերպման և մասնակցության, իշխանության բռնազավթման, իշխանության ներկայացուցչի նկատմամբ բռնություն գործադրելու, զենքի անօրինական ձեռքբերման և կրելու մեջ։

Գործով դատավոր Մնացական Մարտիրոսյանի որոշմամբ՝ 2009 թ.-ի ապրիլի 1-ին  միասնական գործը բաժանվել է առանձին վարույթների: --0--