Հայկական արվեստի մարգարիտը՝ 12- րդ դարի Լոռի-բերդի խաչքարը հունիսի 8-ից ներկայացվում է Նյու Յորքի Մետրոպոլիտեն թանգարանում, հաղորդում է ՀՀ ԱԳՆ մամուլի ծառայությունը։
Հայկական խաչքարը Հայաստանի կառավարության կողմից հինգ տարի ժամկետով տրամադրվել է այս թանգարանին:
Խաչքարը ցուցադրվում է նյույորքյան հայտնի թանգարանում 2008 թ.-ի փետրվարից։ Մետրոոպոլիտեն թանգարանի տնօրինությունը դիմել է հայկական կողմին՝ խաչքարի ցուցադրման ժամկետը երկարացնելու խնդրանքով՝ հաշվի առնելով այցելուների մեծ հետաքրքրությունն ու լայն արձագանքը։
Խաչքարը Հայաստանի նվերն է Միացյալ ազգերի կազմակերպությանը և Գեղարդից Նյու Յորք էր տեղափոխվել 1994 թ-ից։
ՄԱԿ-ի կենտրոնակայանի կապիտալ վերանորոգման պատճառով անհրաժեշտություն է առաջացել այն տեղափոխել մեկ այլ տեղ` երկարատև պահպանման նպատակով:
2008 թ. սեպտեմբերին ՀՀ նախագահ Սերժ Սարգսյանի` Նյու Յորք այցի ժամանակ նրա և Մետրոպոլիտեն թանգարանի ղեկավարության միջև ձեռք բերված պայմանավորվածությամբ իրականացվեց այս ձեռնարկը:-0-
