Հայաստանի բուհերի ուսանողներն ուխտագնացություն էին կազմակերպել դեպի երկրի եկեղեցական համալիրներ
Ապրիլի 25-ին Հայաստանյայց Առաքելական Սուրբ Եկեղեցու Երիտասարդաց կենտրոնը կազմակերպել էր ուխտագնացություն, որին մասնակցում էին Երևանի մի շարք համալսարանների ուսանողներ և դասախոսներ, երկուշաբթի «Նովոստի-Արմենիա» գործակալությանը հայտնեցին մայր Աթոռ Սուրբ Էջմիածնի տեղեկատվական համակարգից։
«Առաջին հանգրվանը Խոր Վիրապի վանքն էր, ուր ուխտավորները միասնաբար աղոթեցին Սբ. Գրիգոր Լուսավորիչ եկեղեցում»,- նշված է հաղորդագրության մեջ:
Այնուհետև ուխտավորները մեկնեցին Նորավանք եկեղեցական համալիր, որտեղ նրանց դիմավորեցին և ողջունեցին ԵՊՀ Աստվածաբանության ֆակուլտետի դեկան Գերաշնորհ Տ. Անուշավան եպիսկոպոս Ժամկոչյանը և Նորավանքի հոգևոր հովիվ Տ. Սահակ քահանա Մարտիրոսյանը:
«Երիտասարդները Նորավանքում ևս իրենց աղոթքը կատարեցին Հայրենիքի խաղաղության, Եկեղեցու պայծառության և հայ ժողովրդի բարօրության համար»,- հայտնեցին տեղեկատվական համակարգից:
Ուխտագնացությանը մասնակցեցին Երևանի Խաչատուր Աբովյանի անվան Պետական մանկավարժական համալսարանի, Երևանի Տնտեսագիտական համալսարանի, «Գլաձոր» համալսարանի, «Հյուսիսային» համալսարանի, Ինտերլինգվա համալսարանի, Գեղեցիկ Արվեստների համալսարանի ուսանողներն և դասախոսները։-0-
