Երևանի ընտրական տեղամասերից մեկում վիճաբանություն է բռնկվել
ԵՐԵՎԱՆ, 19 փետրվարի./Նովոստի-Արմենիա/. Երևանի ընտրական տեղամասերից մեկում Հայաստանի նախագահական ընտրությունների քվեարկության ընթացքում վիճաբանություն է տեղի ունեցել։
Ինչպես երեքշաբթի «Նովոստի-Արմենիային» հաղորդեցին ԱԺՄ նախագահ, ՀՀ նախագահի թեկնածու Վազգեն Մանուկյանի նախընտրական շտաբից, թիվ 8/8 տեղամասում ընտրական քվեաթերթիկը դուրս բերելու փորձի կապակցությամբ վիճաբանություն է տեղի ունեցել հանձնաժողովի նախագահի և թեկնածուների որոշ վստահված անձանց միջև։
Ոստիկանության աշխատակիցների միջնորդությունից հետո միջադեպը հարթվել է։
Հայաստանում երեքշաբթի՝ փետրվարի 19-ին տեղական ժամանակով առավոտյան ժամը 8-ին մեկնարկեցին համահանրապետական նախագահական ընտրությունները։ Նախագահի թեկնածուի պաշտոնի համար առաջադրվել է ինը թեկնածու։
Ոստիկանության պաշտոնական տվյալների համաձայն, համահանրապետական ընտրություններին մասնակցելու իրավունք ունի 2 328 320 ընտրող։
Ընտրություններին հետևում է 39 տեղական և 6 միջազգային կազմակերպությունների շուրջ 14 հազ. դիտորդ։-0-
