Թուրքիայի անվտանգության խորհուրդը հույս է հայտնել, որ Հայաստանի ու Ադրբեջանի միջև խաղաղության պայմանագիր կկնքվի
ԵՐԵՎԱՆ, 6 դեկտեմբերի․/Նովոստի–Արմենիա/․ Դեկտեմբերի 5-ին տեղի է ունեցել Թուրքիայի անվտանգության խորհրդի նիստ՝ Ռեջեփ Էրդողանի նախագահությամբ, հաղորդում է «Առաջին լրատվականը»։
Նիստի արդյունքներով հրապարակվել է գրավոր հայտարարություն, որում նաև հույս է հայտնվում Հայաստանի և Ադրբեջանի միջև խաղաղության պայմանագրի շուտափույթ կնքման վերաբերյալ:
«Ընդգծվել են այն ակնկալիքն ու ցանկությունը, որ Ադրբեջանի և Հայաստանի միջև բանակցություններում արձանագրված դրական տեղաշարժերը կավարտվեն խաղաղության պայմանագրով։ Կայուն խաղաղության հաստատումը կհամապատասխանի մեր տարածաշրջանի բոլոր դերակատարների շահերին»,- ասված է հայտարարության մեջ:
Կարդացեք նաև՝ «Երևանն ու Բաքուն համաձայնության են եկել Խաղաղության համաձայնագրի նախագծի 17 հոդվածներից 15–ի շուրջ․ Միրզոյան»
