ԵՐԵՎԱՆ, 19 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը պայմանավորվել են հաստատել ուղիղ կապի գիծ պաշտպանության նախարարների մակարդակով միջադեպերը կանխելու համար։
Այս մասին նշվում է Եվրախորհրդի
հայտարարության մեջ, որը տարածվել է ուրբաթ Փաշինյանի ու Ալիևի հետ Եվրախորհրդի ղեկավար Շառլ Միշելի հեռախոսային բանակցություններից հետո։
«Հեռախոսային բանակցությունների ընթացքում Հայաստանի և Ադրբեջանի առաջնորդները պայմանավորվել են հաստատել կապի ուղիղ գիծ պաշտպանության նախարարների մակարդակում, ինչը կծառայի որպես միջադեպերի կանխարգելման մեխանիզմ», – նշվում է հայտարարության մեջ։–0–