Քաղաքագետն ամփոփեց Երևանում անցկացված ԵՏՄ գագաթնաժողովի և կառույցում Հայաստանի նախագահության արդյունքները (ՎԻԴԵՈ)

ԵՐԵՎԱՆ, 4 հոկտեմբերի. /Նովոստի-Արմենիա/. ԱՊՀ երկրների ինստիտուտի հայկական մասնաճյուղի տնօրեն, քաղաքագետ Ալեքսանդր Մարգարովը` «Նովոստի-Արմենիա» մամուլի կենտրոնում անցկացված ասուլիսի ժամանակ ամփոփեց Երևանում անցկացված ԵՏՄ գագաթնաժողովի արդյունքները:

Մարգարովը նշեց, որ դիտարկելով անցած նիստը տնտեսական տեսանկյունից, կարելի է առանձնացնել ընդունված կարևոր երկու որոշումներ: Առաջինը կապված է ընդհանուր ֆինանսական շուկայի ձևավորման հետ, ինչը հնարավորություն կտա ԵՏՄ անդամ պետությունների քաղաքացիներին և իրավաբանական անձանց օգտվել ընդհանուր բանկային և ֆինանսական շուկայից:

Երկրորդը վերաբերում է 2020-2025 թթ. ձևավորվող գազի ընդհանուր ոլորտի և էներգետիկայի ընդհանրապես: Այդ տեսանկյունից փորձագետը նշեց Ռուսաստանում «Գազմպրոմ» ընկերության և պետական շահերի միջև առկա հակասությունները:

Մարգարովը նշեց նաև, որ ԵՏՄ անդամ երկիր չհանդիսացող պետությունների հետ համագործակցությունը կարևոր է կազմակերպության համար, մասնավորապես, նպաստում է տնտեսական ինտեգրմանը և ավելի բարենպաստ տնտեսական պայմաների ստեղծմանը: Այդ համատեքստում նա դրական համարեց Սինգապուրի հետ պայմանագրի ստորագրումը և ժամանակավոր պայմանագիրի (3 տարի ժամկետով) Իրանի հետ:

«Մեզ համար դա հետաքրքիր է այն համատեքստում, որ Սինգապուրն` առաջադեմ տնտեսություն ուեցող երկրներից մեկն է, պայմանագիր է ստորագրել ինչպես ԵՏՄ-ի, այնպես էլ առանձին Հայաստանի հետ», - ասաց Մարգարովը:

Այդ համատեքստում ուժեղանում են Հայաստանի դիրքերը որպես հարթակ ԵՏՄ-ի և Սինգապուրի համագործակցության համար: Ընդհանուր առմամբ փորձագետը դրական գնահատեց նիստի արդյունքները:

Մարգարովը հիշեցրեց, որ այս տարի Հայաստանը եզրափակում է իր նախագահությունը ԵՏՄ-ում: Որպես ձեռքբերումներից մեկն նա համարեց Սինգապուրի հետ ազատ առևտրի պայմանագրի ստորագրումը Երևանում` հոկտեմբերի 1-ին:

Նա հայտարարեց նաև, որ Հայաստանի քաղաքացիները կզգան ԵՏՄ անդամակցության դրական արդյուները, երբ երկրի տնտեսությունը լինի մրցակցային, իսկ երկիրը կկարողանա իր տեղը զբաղեցնել շուկայում:-0-