Թշնամու հարձակողական փորձերի հետ շպրտում և դիվերսիոն խմբերի ոչնչացում. օպերատիվ իրավիճակն առաջնագծում (ՔԱՐՏԵԶ)

ԵՐԵՎԱՆ, 3 նոյեմբերի./Նովոստի-Արմենիա/. ՀՀ ՊՆ ներկայացուցիչ Արծրուն Հովհաննիսյանը երեքշաբթի՝ նոյեմբերի 3-ին ճեպազրույց ժամանակ ներկայացրել է օպերատիվ իրավիճակն արցախյան առաջնագծում՝ ներկայացնելով ինտերակտիվ քարտեզ:

Նա հայտնել է, որ այսօր առավոտյան գրեթե բոլոր ուղղություններով ադրբեջանական զինված ուժերը՝ հրոսակախմբերի, վարձկանների հետ շարունակել են հարձակողական գործողությունները։ Թաղավարդ գյուղի ուղղությամբ ոչնչացվել է դիվերսիոն խումբ:

«Մարտունիից հարավ ադրբեջանական զինված ուժերի ստորաբաժանումները՝ զրահատեխնիկայի, օդուժի, հրետանու աջակցությամբ, վաղ առավոտյան փորձել են հարձակում զարգացնել։ Կորցնելով մի քանի զրահատեխնիկա և զգալի թվով կենդանի ուժ՝ հետ են շպրտվել ելման բնագծեր և ողջ օրվա ընթացքում մեր ստորաբաժանումները, հատկապես հրետանային կրակով, շարունակել է թշնամու ուժերի ոչնչացումը»,- նշել է
ՊՆ ներկայացուցիչը նշել է, որ կեսօրին մոտ հյուսիսային հատվածում՝ Քարվաճառի ուղղությամբ մի քանի տեղամասում, փորձ է կատարվել ծխածածկույթի քողի տակ, դիակները հանելու պատրվակով դիվերսիոն ներթափանցում իրականցնել դեպի մեր միջդիրքային տարածություններ:

«Սակայն նրանք հայտնաբերվել են և հեռահար՝ հատկապես հրետանու կրակով ոչնչացվել ու հետ շպրտվել»,- հայտնել է Հովհաննիսյանը։

Նրա խոսքով, արդեն երեկոյան «Սմերչ» կայանքին հրթիռակոծվել է Ստեփանակերտն ու Շուշին, կան տուժածներ, հրդեհ է բռնկվել, որը մարելու ուղղությամբ այս պահին հրշեջներն աշխատում են: