ԵՐԵՎԱՆ, 20 նոյեմբերի./Նովոստի-Արմենիա/. WarGonzo նախագծի թիմը հրապարակել է պատմական կադրեր, որոնք արվել են հնագույն բերդաքաղաքը Ադրբեջանի վերահսկողությանը հանձնելու նախօրեին:
«Անդրկովկասի սիրտը՝ լեգենդար Շուշին, այլևս նույնը չի լինի: Սա ակնհայտ է բոլորի համար: Պաշտոնական Բաքուն, իհարկե, ցուադրաբար նրա մեջ կներդնի միլիարդավոր նավթադոլլարներ, բայց քաղաքի և դրա սրբությունների կերպարանքը, անպայման, կփոխվի: Դրա մասին կարելի դատել առնվազն այն փաստց, թե ինչպես ադրբեջանական իշխանությունները վարվեցն Կանաչ Ժամ տաճարի հետ: (Եթե հավատանք համացանցում հրապարակված կադրեր, արդեն հայտարարության ստորգարումից հետո ոչնչացվել են տաճարի երկու գմբեթները)»,- գրում են հրապարակման հեղինակներն իրենք Telegram ալիքում:
Նախօրեին Մայր Աթոռ Սուրբ Էջմիածնի տեղեկատվական համակարգի ղեկավար Վահրամ Քահանա Մելիքյանի կողմից հրապարակված լուսանկարներում երևում է, որ ոչնչացվել է եկեղեցու գմբեթը։
«Շուշիի գլխավոր քրիստոնեական սրբության՝ Քրիստոս Ամենափրկիչ տաճարի (Ղազանչեցոց) վիճակը այժմ նույնպես շատ հարցեր և մտահոգություններ է առաջացնում», - գրում է wargonzo-ն:
Wargonzo նախագծի թիմին հաջողվել է պատրաստել լեգենդար Ղազանչեցոց տաճարի 3D համայնապատկերը, որը լուրջ վնասներ է կրել Ադրբեջանի ավիացիայից այս պատերազմի ընթացքում, բառացիորեն փողոցում բուռն մարտեր սկսվելուց ընդամենը մեկ օր առաջ:
«Դժվար է մեկնաբանել այս նկարահանումը: Այնպես որ, պարզապես դիտեք: Մենք նաև շնորհակալություն ենք հայտնում @gigarama մուլտիմեդիա նախագծի մեր ընկերներին տեխնիկական աջակցության համար, որի շնորհիվ այս հրապարակումը հնարավոր դարձավ », - նշել են նկարահանման հեղինակները:-0-
