Հայաստանն ակնկալում է, որ ՆԱՏՕ-ն ճնշում կգործադրի Թուրքիայի վրա Ղարաբաղի հարցում. ՀՀ նախագահ (ՎԻԴԵՈ)
21:44
09 Հոկտեմբերի 2020
ԵՐԵՎԱՆ, 9 հոկտեմբերի․ /Նովոստի-Արմենիա/․ Հայաստանը ՆԱՏՕ-ի իր գործընկերներին խնդրել է լրջորեն վերաբերվել դաշինքի անդամ Թուրքիայի մասնակցությանը ղարաբաղյան հակամարտությանը, Bloomberg- ին տված հարցազրույցում ասել է ՀՀ նախագահ Արմեն Սարգսյանը:
«Մենք ունենք մի իրավիճակ, որտեղ ՆԱՏՕ-ի անդամը մասնակցում է, ներգրավվում է երրորդ կողմերի հակամարտության մեջ, որոնք ՆԱՏՕ-ի անդամ չեն: Արդյո՞ք Թուրքիան ունի կանաչ լույս ՆԱՏՕ-ից: Եթե այո, ապա մենք պետք է տեղյակ լինենք, եթե ոչ՝ ապա հուսով եմ, որ մեր գործընկերները ՆԱՏՕ-ում իրենց ձայնը լսելի կդարձնեն և Թուրքիայի վրա ճնշում կգործադրեն՝ ասելով, որ նա չպետք է ներգրավվի այս հակամարտության մեջ»,- նշել է նախագահը:
Նրա խոսքով, Թուրքիայի ներկայությունն այստեղ ընդհանրապես չի օգնում, նույնիսկ բարդացնում է իրավիճակը:
Սարգսյանն ընդգծել է, որ Ոչ ես, ոչ ղարաբաղյան հակամարտության մեջ Թուրքիայի ներգրավվածության ապացույցներ ներկայացնելու կարիք չկա, քանի որ դրանք ակնհայտ են, դրանք ադրբեջանական կողմի, ադրբեջանցի պաշտոնյաների հայտարարությունների մեջ են, տեսանյութերում ու լուսանկարներում, ինտերնետային կայքերում:
«Անգամ տարբեր երկրների, այդ թվում և՝ Ռուսաստանի հետախուզական ծառայությունները հայտարարել են, որ Ադրբեջանի տարածքում կան Թուրքիայի կողմից բերված իսլամիստ ահաբեկիչներ: Եվ այս ամենը թուրքական զինուժի, դրոնների, անգամ F-16 կործանիչների ներկայությամբ, որոնք ևս օգտագործվում են,- նշել է նա:-0-
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները